Yawan sut raya sa bamna diara painkira ailal lilia wan sakisa. Yawan trabil bribia sin, diara painkira kum kum bâra ba lilia wan daukisa. Baha prisant pranakira Jehova wanki ba dukiara, ¿yawan nahki sip sa tingki lâka marikaia? ¿Bara dîa tâwan wan tingkika lâka marikaia sa?

1. ¿Dîa muni rayaka ba yawan tara kulkaia sa ki?

Yawan raya sa, bara baha ba Jehova wina prisant kum sa, kan witin ba Aisa latwankira sa, baha prisantka ba yawan tara kulkisa. “Raya kaia kârma” ba sika Jehova, kan witin ba rayaka sut paskan (Lawana Nani 36:9). “Witin bui sika yawan sut ra rayaka ba wankisa, baku sin pâsa bara diara wala nani ba” (Sturka Nani 17:25, 28). Raya kaia dukiara dîa dîa yawan nit ba Jehova wankisa. Baha purkara sin, yawan liliakira iwbia wisi witin diara sut pat ridi paskan sa (Sturka Nani 14:17 aisi kaikma).

2. ¿Rayaka ba Jehova prisant wanki ba mita yawan nahki sip sa tingkika lâka marikaia?

Yaptikam kwihra tiwan minitka ra Jehova nu takan man ba aipaswi kapram yaptikam plauya ra. Gâd uplika kum nina Debit spirit holikira brih naha ulban: “Man namkra nani ba ai kaikan yang ai paski kan piua ra” (Lawana Nani 139:16). Man raya sma ba Jehova tara kulkisa (Matiu 10:29-31 aisi kaikma). Upla kum wala ra ikbia kaka Jehova sari pali kabia, bara upla silp prubia kaka sin  a (Impakan Sturka 20:13). Wan rayaka ba pât ra dingkbia kaka, yawan Jehova sarka paskbia, bara upla wala rayaka main kaikras piua ra sin. Wan rayaka ba yawan main kaiki bara upla wala rayaka rispik munisa taim, rayaka Jehova wankan ba ra tingki luki ba marikisa.

 KAU LAN TAKS

3. Wînam tara main kaiks siknis takaia apia dukiara

Yawan kristian nani ba pramis muni wan rayaka ba Jehova ra yaban sa, baha mita wan rayaka ba Gâd kupia lâka kat iwisa. Wan wîna tara sakripaiska baku Gâd ra yabisa. Roman 12:1, 2 aisi kaikma, bara naha dukiara aisi banhma:

• ¿Dîa muni wînam tara main kaikaia sma siknis takma apia dukiara?

• ¿Nahki tnatka nani ra baha daukaia sip sma?

 5. Yapti plauya ra bibi rayaka ba main kaikaia sa

Debit ba tânka marikan Jehova upla rayaka ba tara kulkisa, bibi kum ai yaptika plauya ra pâwi ba ra witin lukisa. Lawana Nani 139:13-17 aisi kaikma, bara naha dukiara aisi banhma:

• ¿Jehova mapara ahkia wina upla kum rayaka ba tâ krikisa ki, aisubi taki ba wina?, apia kaka ¿mairin ba kwihra tiwi ba minitka ra?

Patitara piua ra Jehova lâka nani ba Israel uplika nani ra yaban ba mairin kwihra kaina kahbi kan, bara ai plauya ra bibika bri kan ba sin. Impakan Sturka 21:22, 23 aisi kaikma, bara naha dukiara aisi banhma:

• Upla kum mairin kwihra kum ra lukras pruki bara bibika prubia kaka, ¿baha dukiara Jehova nahki ai dara wali kan ki?

• Bara upla kum saura luki bibi ra ikbia kaka, ¿Jehova nahki ai dara walbia? b

• ¿Jehova nahki ai dara wali ba dukiara man nahki lukisma?

LILKA ba kaikma.

Mairin kum ai bibika rayaka ba tara kulkbia sin, mistik lukbia diara wala sip daukras ba mita ai bibika iki sakaia ba pain sa. Aiseya 41:10 aisi kaikma, bara naha dukiara aisi banhma:

• Mairin kum ai bibika iki sâkbia upla mita karna makabisa kaka, ¿witin yaura hilp makabaia sa? ¿Dîa muni?

 DÎA LAN TAKRAM

Baibil smalkisa wan rayaka ba Jehova wina prisant kum sa, baha mita wan rayaka bara upla wala rayaka ba yawan kulkaia sa, main kaikaia bara latwan kaikaia sin.

Wan kupia krawaia

• ¿Yawan nahki nu sa Jehova upla rayaka ba kulki ba?

• Upla kum silp pruaia, apia kaka upla ikaia ba dukiara ¿Jehova nahki ai dara walisa?

• ¿Rayakam Jehova prisant maikan ba dukiara man dîa kau kulkisma?