SMALKANKA 47
¿Tahbi daukan lâka briaia dukiara ridi sma ki?
Baibil stadi taki, Jehova dukiara diara ailal pat lan takram. Bara dîa lan takram ba rayakam ra praptis munaia trai munram kaia sa. Sakuna, Jehova ra ramyaka yabi tahbi daukan lâka briaia dukiara, ¿diara kum tâwan kau ridi apia sma damra walisma ki? Naha smalkanka ra kaikbia, alki takaskanka nani ba nahki tnatka ra pura luaia sip sma.
1. Tahbi daukan lâka briras kainara, ¿dîa pitka kat Baibil tânka bri kaia sma?
Tahbi daukan lâka briaia dukiara, “kasak tânka ba” bri kaia sma (1 Timoti 2:4). Baha ba tânka apia sa, tahbi daukan lâka briras kainara, Baibil dukiara makabi walanka nani dauki ba sut ansa munaia sip kama. Tahbi daukan wina pat mani ailal bri kristian nani ba kat sin, ban lan taki banhwisa (Kolosi 1:9, 10). Sakuna Baibil pas smalkanka nani tânka briaia nit sma. Kangrigisan almukka nani ba hilp mai munbia pat aitani tânka brisma sapa kaikaia.
2. ¿Tahbi daukan lâka briras kainara dîa daukaia nit sma?
Baibil ba wisa kupia lakaia bara daukanka saura nani wina tawaia sa (Apastil Nani Sturka 3:19, TNM aisi kaikma). Tahbi daukan lâka kau briras kainara baku daukaia sma. ¿Sakuna dîa tânka sa? Tânka sa dîa dîa saurka daukram ba dukiara sari pali damra walaia sma, bara Jehova ra padin makabaia sma. Baku sin daukankam saura nani mahka swi si, Gâd kupia lâka ba rayakam ra pas tâura mangkaia sma. Baha purkara, kangrigisan wal asla aidrubaia bara smalki taukaia tâ krikaia sip sma.
3. ¿Dîa muni sibrin lâka ba alki mai takaskbia swiaia apia sma?
Upla kum kum si brisa Jehova ra dîa pramis munan ba sip daukbia apia wisi. Âu, sam taim mistik nani daukma, Baibil ra taki waitna bara mairin kasakkira nani sin sim baku daukan. Sakuna kupiam krauks, yawan mistik luha kabia Jehova bîla kaikras sa (Lawana Nani 103:13, 14 aisi kaikma). Man dîa sip sma ba kat daukma kaka, Jehova lilia kabia. Bara witin sin hilp mai munbia. Witin wan wisa, “Gâd ai latwanka lâka [...] wina dakbi wan sakaia dukia kumi sin âpu sa” (Roman 8:38, 39 aisi kaikma).
KAU LAN TAKS
Trabil nani pura lui tahbi daukan lâka briaia dukiara, diara wâl hilp mai munaia sip sa: Jehova ra pain kakaira takaia bara ai hilpka briaia.
4. Jehova ra pain kakaira taks
Kau tahbi daukan lâka briras kainara, ¿dîa pitka kat Jehova ra kakaira takaia sma? Man nit sma Jehova ra pain pali kakaira takaia. Baku daukma kaka, witin ra latwan kaikma bara witin dîa wi ba kat daukma. Tasba aiska ra Baibil stadi tatakra nani nahki daukan ba nu takaia dukiara LILKA ba kaikma. Ningkara naha dukiara aisi banhma:
-
¿Lilkika Baibil stadi tatakra nani ba tahbi daukan lâka briaia ridi kaia dukiara, dia ba hilp munan?
Roman 12:2 aisi kaikma bara naha dukiara aisi banhma:
-
¿Baibil smalkanka kum kum dukiara wira namhpa namhpa lukisma? ¿Jehova witniska nani dîa smalki ba kasak sa lukisma?
-
Namhpa namhpa lukisma kaka, ¿dîa daukaia sip sma?
5. Trabil nani brisma ba pura lus
Jehova ra wan rayaka yabi, tahbi daukan lâka briaia lukisa taim, yawan nani ul ba trabil nani ku luisa. Upla kum sturka nu takaia dukiara LILKA ba kaikma. Ningkara naha dukiara aisi banhma:
-
¿Jehova warkka daukaia dukiara Narangerel ba dîa trabilka nani pura luaia kan?
-
¿Trabilka nani pura luaia dukiara Jehova ra latwan kaikaia ba witin ra nahki hilp munan?
Sins Lâka 29:25 bara 2 Timoti 1:7 aisi kaikma, bara naha dukiara aisi banhma:
-
¿Trabil nani pura luaia dukiara ani wina karnika sakisa ki?
6. Jehova hilp mai munbia kasak luks
Jehova hilp mai munbia ai kupia lilia daukaia dukiara. LILKA ba kaikma bara naha dukiara aisi banhma:
-
Naha lilkika ra, Baibil stadi tatakra ra dîa ba alki takaski kan tahbi daukan lâka briaia dukiara?
-
Jehova ra kau kasak lukaia dukiara, ¿witin ra dîa ba hilp munan?
Aiseya 41:10, 13 aisi kaikma bara naha dukiara aisi banhma:
-
¿Dîa muni kasak lukaia sip sma Jehova ra rayakam yabaia pramis munma ba kat daukaia sip kama?
7. Jehova latwanka lâka ra kau tingki luks
Aima bani Jehova nahki latwan mai kaiki ba ra lukma taim, kau tingki lukma bara ban kaia ra ai warkka daukaia want kama. Lawana Nani 40:5 aisi kaikma bara naha dukiara aisi banhma:
-
¿Jehova prisantka nani tilara ani nani ba kau tara kulkisma?
Prapit Jirimaya ba Jehova bara ai bîla ra latwan kaiki kan, bara kasak tingki luki kan ai nina brih waia. Witin win: “aisinkam nani ba [...] sika yang liliaki âiyapah ai saki kan yang kupi ra, kan yang sika aiska man dukiam sna, Dawan bara Gâd karnika sut man brisma ba” (Jirimaya 15:16). Nanara naha makabi walanka nani ra ansa munma:
-
¿Jehova witniska kum kaia ba dîa muni kulkanka tara brisa?
-
¿Jehova witniska takaia dukiara man tahbi daukan lâka briaia want sma ki?
-
¿Mai alki takaskbia dukia kum bâra sa?
-
¿Tahbi daukan lâka briaia dukiara dîa daukaia sip sma?
UPLA KUM KUM NAKU LUKISA: “Jehova witniska kum wina dîa bîla kaiki ba, yang sip daukras kamna. Si brisna”.
-
¿Man baku damra walisma?
DÎA LAN TAKRAM
Jehova hilpka wal man sip sma trabil nani pura luaia bara tahbi daukan lâka briaia.
Wan kupia krawaia
-
Tahbi daukan lâka briaia dukiara, ¿dîa pitka kat Baibil tânka bri kaia nit sma?
-
Tahbi daukan lâka kau briras kainara, ¿dîa daukaia nit sma?
-
¿Dîa muni swiaia apia sma sibrin lâka mita mai alki takaskbia?
KAU PLIKI KAIKS
Luki kaiks dîa tâwan tahbi daukan lâka briaia want sma.
“¿Tahbi daukan lâka briaia dukiara ridi sma?” (La Atalaya marzo, 2020)
Mai alki takaski bri trabilka nani nahki pura luaia sip sma ba kaiks.
“¿Tahbi daukan lâka brimna dukiara dîa alki ai takaskisa?” (La Atalaya marzo, 2019)
Kaiks waitna kum nahki trabil tara nani pura luan tahbi daukan lâka briaia dukiara.
Waitna kum nina Ataa wi ba, tahbi daukan lâka briaia sapa, pas taim namhpa namhpa luki kan. Kaiks witin ra dîa hilp munan.
Baha sin laik kaikma
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
