Man nahki sip sma smalkanka bani wina diara yamni sakaia
Upla kum ra makas Baibil stadika kum maikbia. Naha wauhkataya maikan uplika ra wis, apia kaka Internet ra wan pliska ra stadi kum makas, jw.org.
PAS PÎSKA BA
Ulbanka ra baiki sakanka bani aisi kaikma. Makabi walanka nani ba numba brisa (A) bara Baibil tikska nani letra kau kalat bri ba (B) tânka kau tara marikisa. Baibil tikska kum kum ba aisi kaikma wi ba pain kaiks.
PÎSKA WALA BA
Pas baiki sakanka ba “Kau lan taks” pîska ra dîa aula ba marikisa (C). Ulbanka lalka nani numba bri ba tânka tara marikisa (D). Baibil tikska nani aisi kaikma, makabi walanka nani ba dukiara dîa lukisma ba wima bara lilka nani (video) ba kaikma (E).
Lilka nani (imágenes) ba laki kaikma bara tânka mariki ba sin (F), ba wina “Upla kum kum naku lukisa” pîska ra man dîa wima luki kaiks (G).
PÎSKA YUMHPA BA
Smalkanka bani “Dîa lan takram” bara “Wan kupia krawaia” pîska ra danh takisa (H). Smalkanka kum stadi muni tnata prakma taim, ani yua ra danh takram ba ulbaia sip sma. “Naha na trai muns” bakska ra mai wibia dîa daukaia sip sma naha stadika ra spirit lâka ra pâwma dukiara (I). “Kau pliki kaiks” pîska ra ulbi sakanka bara lilka wala nani hilp mai muni ba sâkma (J).
Baibil ra nahki tiks nani ba sakaia
Nahara mai marikisa Baibil bukka nina ba (A) pliki sakaia dukiara, sapta ba (B), bara bors nani ba (C). Naha baku, Jan 17:3 ba sika “Jan bukka ba, sapta 17, bors 3”.
Baha sin laik kaikma
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
