SMALKANKA 01
¿Baibil ba nahki hilp mai munaia sip sa?
Yawan wan rayaka dukiara, pât wahwanka nani, prura bara kaina piua dukiara makabi walanka ailal daukisa. Baku sin, yu bani trabilka nani dukiara uba lukisa. Upla kum kum lukisa nahki lalah aitani sakaia, apia kaka pamali lilia kum briaia dukiara dîa daukaia sip sa. Upla manis kaikisa, naha sât makabi walanka nani Baibil ansa muni ba, bara wan rayaka dukiara smalkanka yamni nani wanki ba. ¿Baibil ba upla sut ra hilp munaia sip sa lukisma ki?
1. ¿Ani makabi walanka nani kum kum Baibil ba ansa munisa ki?
Baibil ba naha makabi walanka tara nani ra ansa munisa: ¿rayaka ba nahki bal takan?, ¿dîa muni yawan raya sa?, ¿dîa muni upla pain nani ba pât wahwisa?, ¿upla kum pruisa taim dîa takisa?, upla kumi sin pruan daukras, sakuna ¿dîa muni war aiklabanka nani ailal bâra sa? bara ¿tasba ra dîa takbia? Upla milian nani ba, Baibil wina naha tânka nani ba pliki sakan, bara nanara uba lilia taki banhwan. Man sim baku daukma Baibil mai paiwisa.
2. ¿Yu bani lilia iwaia dukiara Baibil ba nahki hilp wan munisa?
Baibil ba smalkanka pain nani wankisa. Tânka kum baku, pamali nani ra smalkisa nahki lilia iwaia sip sa. Baku sin, wan trabilka nani ra uba lukaia apia dukiara hilp wan munisa, bara dîa warkka dauki ba wal lilia kaia dukiara sin. Man Baibil stadi taki wama taim, naha tânka nani bara tânka wala nani dukiara sin Baibil dîa wi ba lan takma. Las kat man rait tânka brima “Ulbanka aiska ba [Baibil dîa aisi ba sut] [...] yamni sa” (2 Timoti 3:16).
Naha wauhkataya na Baibil lika apia sa, ban sakuna Baibil stadi takaia dukiara hilp mai munbia. Baha mita kupiam bukisa, Baibil tikska nani naha wauhkataya ra taki ba aisi kaikma, bara dîa lan taki wama ba wal praki kaikma.
KAU LAN TAKS
Kaisa kaikaia nahki upla wala nani ra Baibil hilp munan ba, bara Baibil aisi kaiki lilia kaia dukiara, yawan dîa daukaia sip ba. Baku sin kaikbia, Baibil tânka briaia dukiara upla wala hilp wan munisa taim, dîa yamnika nani yawan bribia.
3. Baibil ba wan tapahkisa
Baibil ba ingni tara kum baku sa, bara wan yabalka ra ingni daukisa. Baibil aisi kaikisa taim, wahbi sakanka pain nani daukaia sip sa, bara kaina piua ra dîa takbia ba nu takaia dukiara hilp wan munisa.
Lawana Nani 119:105 aisi kaikma, bara naha dukiara aisi banhma:
-
¿Lawana Nani âiulbra ba Baibil dukiara dîa luki kan?
-
Bara man, ¿Baibil dukiara dîa lukisma?
4. Wan makabi walanka nani ra Baibil ansa munisa
Mairin kum mani ailal dîa makabi wali kan ba, Baibil wina tânka ba brin. LILKA ba kaikma, bara naha dukiara aisi banhma:
-
¿Lilkika ra takan mairka ba dîa sât makabi walanka nani bri kan ki?
-
¿Nahki Baibil stadika ba witin ra hilp munan?
Makabi walanka nani daukbia Baibil ba wan paiwisa. Matiu 7:7 aisi kaikma, bara naha dukiara aisi banhma:
-
¿Man makabi walanka nani brisma tila wina, ani ba Baibil ansa munisa lukisma ki?
5. Baibil aisi kaiki lilia takaia sip sa
Upla ailal Baibil aisi kaikaia laik sa, bara yamnika sakisa. LILKA ba kaikma, LILKA ba kaikma, bara naha dukiara aisi banhma:
-
¿Lilkika ra takan wahma tiara nani ba aisi kaikaia dukiara dîa luki kan?
-
¿Dîa muni Baibil aisi kaikaia dukiara lukanka wala bri banhwan?
Baibil smalkanka nani ba maisa nihkanka wankisa, bara bîla kaikanka sin. Roman 15:4 aisi kaikma, bara naha dukiara aisi banhma:
-
¿Maisa nihkan lâka bara bîla kaikan lâka Baibil aisi ba dukiara, kau nu takaia want sma ki?
6. Upla wala hilpka wal yawan Baibil tânka briaia sip sa
Silp Baibil aisi kaikaia purkara, upla wala hilpka brisa taim, Baibil tânka kau pain briaia sip sa. Apastil Nani Sturka 8:26-31 aisi kaikma, bara naha dukiara aisi banhma:
-
¿Baibil tânka briaia dukiara dîa daukaia sa? (Borska 30 bara 31 ba kaiks).
Etiopía wina waitnika ba prapit ulbanka nani ba tânka briaia dukiara, upla wala hilpka nit kan. Naiwa piua ra sin, upla ailal mapara Baibil tânka briaia dukiara, pain sa upla wala mita hilp munbia.
UPLA KUM KUM NAKU LUKISA: “Baibil stadi takaia ba diara bahki sa”.
-
¿Naha dukiara man dîa lukisma, bara dîa muni?
DÎA LAN TAKRAM
Baibil ba yu bani wan rayaka dukiara smalkanka pain nani wankisa, makabi walanka nani tânka marikisa. Baku sin, maisa nihkan lâka bara bîla kaikan lâka wankisa.
Wan kupia krawaia
-
¿Baibil wina dîa sât smalkanka nani yawan briaia sip sa ki?
-
¿Dîa sât makabi walanka nani Baibil ba tânka marikisa ki?
-
Bara man, ¿Baibil wina dîa ba lan takan mai daukisa ki?
KAU PLIKI KAIKS
Pliki kaiks, dîa muni Baibil smalkanka nani ba naiwa piua ra sin hilp wan munaia sip ba.
Waitna kum tuktan wina uba sari ai dara wali kan, kuna lilia kaia dukiara, Baibil nahki hilp munan ba kaiks.
Pamali lilia kum briaia dukiara, Baibil smalkanka nani nahki hilp wan muni ba kaiks.
“Pamali lilia kum briaia dukiara hilpka nani 12 ba” (¡Despertad! núm. 2, 2018)
¿Naha tasba na rait pali ya ai karnika mununhtara brisa ki? Naha makabi walanka dukiara, kaiks nahki Baibil ba klir pali tânka mariki ba.
Baha sin laik kaikma
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
