Baibil sturka ba tâ krikisa diara sut paskan ba wina, diara painkira nani dukiara aisisa Jehova heven ra bara tasba ra paskan ba. Man luhpa nani brisma kaka, hilp muns kulkanka yabaia diara sâtka pranakira paskanka bâra ba. Param mariks Jehova upla nani kau yamni paskan daiwan nani ba wal, turi aisaia, luki sakaia, diara paskaia, aiwanaia bara ai pura sunaia karnika wal. Luhpiam nani ra hilp muns ai dara walaia Jehova karnika bara sinska lâka ba, bara sut purkara, latwan lâka bri ba ai paskanka dukiara, yawan kumi bani ra sin.