Pîska 2 tâ krikanka
¿Dîa muni Gâd lisamra tara kum wal patitara uplika nani ra sauhkan? Upla Gâd bîla lulkan ba wina, aiklabanka kum tâ krikan: yamni lâka wih saura lâka wal. Upla kum kum, Adam, Iv bara ai luhpia Ken baku, saura lâka tâ baikan. Sakuna upla kum kum, yamni ba tâ baikan, Abel bara Noa baku. Upla aihkika ba saura pali takan, baha mita baha tasbaya saurakira ra Jehova sauhkaia kan. Naha pîska ra, lan taki kabia Jehova kaikisa yawan dîa tâ baiki ba. Bara witin swibia apia saura ba yamni ra pura lubia.
NAHA PÎSKA RA
SMALKANKA 3
Adam bara Iv Gâd ra bîla walras
¿Dîa painkira bri kan Eden giadinka dusa kum ba? ¿Dîa muni Iv ai mâ ba wina pin?
SMALKANKA 4
Kupia uba baiwi ai muihni ra ikan
Gâd Abel prisantka brin, Ken dukia ba lika apia. Ken baha nu takan taim, ai kupia uba baikan bara ningkara diara saura pali kum daukan.
SMALKANKA 5
Noa arkka ba
Bîla walras insalka nani mairin nani wal marit takan bara luhpa prautkira bara tarka tara nani baikan. Praut lâka plis sut ra bâra kan. Kuna Noa Gâd ra latwan kaiki bara bîla wali kan.
SMALKANKA 6
Upla 8 raya takaskan
Lisamra tara, lî auhi kan kakna 40 bara tihmia 40. Noa bara ai pamali mani kum pura ark bilara takaskan. Las kat sip kan taki banhwaia.
