Jisas dîa daukan ba

¿Jisas dîa daukan ba wina yawan dîa lan takaia sip sa ki?

2. Tnatka isi ra yawan Baibil tânka nani smalkisa kaka, dîa walan ba upla nani ai âuya tiwbia apia bara ai kupia ra dimbia.

 Jisas daukan baku dauks

3. Uba sturi aisapara. Tânka kum dukiara dîa nu sma ba sut stadi tatakrikam ra aisapara. Kau pain kabia, stadika yabisma bukka ra taki tânka nani ra sinskam mangkaia. Makabi walanka kum daukisma taim, stadi tatakrikam ansa mai munbia bîla kaiks. Kuna ¿ansa munaia karna munisa, apia kaka, dîa ansa munan ba Baibil wal asla apia sa kaka? Smalkanka pain ai tânka bribia dukiara, makabi walanka wala nani sin dauks. Witin pain ai tânka brin kaka, smalkanka wala ra taws.

4. Stadi tatakrikam diara raya ai tânka bribia dukiara witin pat dîa nu ba yus muns. Tânka kum baku, “kli buan lâka” dukiara aisi smalkanka kum tâ krikaia want sma kaka, bara stadi tatakrikam wal “yawan pruisa taim dîa wan taki ba” pat stadi takram sa kaka, sip sma baha dukiara wirâ aisi ai kupia kraukaia. Baku smalkanka raya ba witin mapara tânka briaia kau isi kabia.

5. Praki kaikanka nani yus munma ba pain wahbi sâks. Praki kaikanka kum yus munras kainara, naha makabi walanka nani ra lukaia sip sma:

1.    “¿Praki kaikanka isi kum sa ki?”.

2.   “¿Stadi tatakriki ba isti tânka bribia ki?”.

3.   “¿Naha praki kaikanka wina smalkanka sakan ba ai kupia kraukbia ki?”.