Lawana sjj 147 bara pura sunra | Tâ krikaia bîla nani (1 min.)
1. Ban kaia ra iwbia pramiska ra dîa muni kasak lukaia sip sa
(10 min.)
Jehova ban kaia ra bâra sa (Job 36:26; w15-S 1/10 13 baiki s. 1, 2).
Yawan ban raya kabia dukiara Jehova sins lâka bara karnika aiska brisa (Job 36:27, 28; w20.05-S 22 baiki s. 6).
Raya ban kaia lâka briaia dukiara yawan dîa daukaia nit ba Jehova wan smalkisa (Job 36:4, 22; Jan 17:3).
Raya ban kaia lâka pramiska ra kasak lukaia ba, trabil karna nani mapara bapi buaia hilp wan munisa (Hib 6:19; w22.10 28 baiki s. 16).
2. Spirit dukia walpa manakira pliki sakaia
(10 min.)
-
Job 36:26. ¿Jehova ban kaia ra bâra sa tânka ba briaia karna wan munisa kaka, yawan saura wan dara walaia sa ki? Tânka mariks (w22.12-S 2 baiki s. 4).
-
¿Naha wikka Baibil aisi kaikanka ra dîa spirit dukia walpa manakira nani sakram?
3. Baibil aisi kaikanka ba
(4 min.) Job 36:1-21 (th lisin 2).
4. Upla wal aisaia tâ kriks
(3 min.) UPLA AILAL LUI PLISKA RA SMALKAIA. (lmd sapta 3 numba 3).
5. Upla ra kli wih kaiks
(4 min.) UTLA UTLA RA SMALKAIA. (lmd sapta 2 numba 5).
6. Kasakkam lukan lâka dukiara aisas
(5 min.) Aisanka. ijwfq 57 baiki s. 5-15. Lalka: ¿Alemania kuntrika ra Holocausto, wibia sa kaka, upla manis ra iki kan piua ra Jehova witniska nani ra dîa takan? (th lisin 18).
Lawana sjj 49
7. Siknis kum apia kaka aparit kum dukiara ridi bas
(15 min.) Kangrigisan almukka kum mihta ra kabia bara wali nani wal laki kaikbia.
Jehova tala dukiara dîa luki ba wan smalkisa, bara bîla walaia dukiara ai asla takanka bâk hilpka nani wankisa (Ap.St 15:28, 29). ¿Naha hilpka nani ba yus munisma ki?
Kupiam lâka kainara maisa pakaia wauhkataya (DPA wauhkataya) bara Tarjeta de identidad (ic): Kristian kum tala dukiara dîa wahbi sakan ba, naha wauhkataya nani ra ulbi mangkisa. Tahbi daukan smalki tataukra nani ba, ulbi sakanka yabi hilp mamunra ra DPA wauhkataya kum makabaia sip sa, bara ai luhpia nani dukiara Tarjeta de identidad kum kaina manis makabaia sip sa. Naha wauhkataya nani ba piua sut ra brih taukaia sa. Kau ulbi briras sma kaka, apia kaka brisma ba almuk sa kaka, mahka raya kum paskaia trai muns.
Mairin kwihra nani dukiara maisa pakanka (S-401) bara Aparit apia kaka quimioterapia nit siknis uplika nani dukiara maisapakanka (S-407): Naha wauhkataya nani ba daktar nani wal aisaia ridi kaia dukiara hilp wan munisa, baku sin tala dukiara dîa sât trabilka nani takaia sip ba tânka nani aisisa. Kwihra sma, aparit kum briaisma, apia kaka kiansa sikniska brisma kaka, bara daktar luaia nit sma kaka, kangrigisan almukka nani ra naha wauhkataya maikbia makas.
Aspital nani wal Asla Wark Taki ba Kamitika (CEH): Daktar nani wal aisaia, bara smalki tataukra nani ra hilp munaia dukiara lan daukanka nani brin kangrigisan almukka nani ba, naha kamitika ra tâ baikisa. Naha kristian waitnika nani ba tala yus munraskira aparit nani daukbia daktar nani wal aisaia dukiara ridi sa. Bara nit sa kaka, daktar kum wan tâ baikaia wilin ba pliki sakaia hilp munisa. Witin nani piua sut ra tâ baikaia ridi banhwisa. Aparit kum, apia kaka kiansa dukiara aspital ra kaia nit kama kaka, tala trabilka brima apia lukma kra sin, kaina manis wina CEH daknika wal aisas. Mairin kwihra nani sin naha kamitika wal aisaia sa. Hilp nit sma kaka, CEH uplika telepon numbika ba kangrigisan almukka kum ra makas.
¿Aspital nani wal Asla Wark Taki ba Kamitika dîa sât warkka daukisa ki? LILKIKA ba mangks. Ningkara makabi wals:
• ¿Aparit kum apia kaka daktar luaia nit sa kaka CEH daknika ba nahki hilp wan munaia sip sa?
8. Kangrigisan Baibil stadika ba
(30 min.) bt sap. 4 baiki s. 9-12 bara wahia 34 bakska ba.
