Julio 29–agosto 4
LAWANA NANI 69
Lawana sjj 13 bara pura sunra | Tâ krikaia bîla nani (1 min.)
1. Lawana Nani 69 ra Jisas rayaka ra dîa takai kan ba dukiara prapit aisan
(10 min.)
Jisas pâtkas kan kuna ban misbara kaikan (Law 69:4; Jn 15:24, 25; w11-S 15/8 11 baiki s. 17).
Jisas ai kupia aiska ni Jehova watla ra tara kulki kan, wibia sa kaka, mayunra rait aihwa ra latwan kaiki kan (Law 69:9; Jn 2:13-17; w10-S 15/12 8 baiki s. 7, 8).
Jisas pât tara pali wahwan, bara ningkara wain sîka mâka tahpla wal miks muni dibia yaban (Law 69:20, 21; Mt 27:34; Lk 22:44; Jn 19:34; g95-S 22/10 31 baiki s. 4; it-2-S 669).
SILP LUKI KAIKAIA DUKIARA: ¿Dîa muni Testament Almuk ra Misaya dukiara prapit dahra aisanka nani ulbi mangkbia Jehova wahbi sakan?
2. Spirit dukia walpa manakira pliki sakaia
(10 min.)
-
Law 69:30, 31. ¿Wan pura sunra nani kau pain daukaia dukiara naha tikska nani ba nahki hilp wan munisa? (w99-S 15/1 18 baiki s. 11).
-
¿Naha wikka Baibil aisi kaikanka ra dîa spirit dukia walpa manakira nani sakram?
3. Baibil aisi kaikanka ba
(4 min.) Law 69:1-25 (th lisin 2).
4. Wihka bîla kaikan lâka bris: Jisas dîa daukan ba
(7 min.) Wali nani wal laki kaikbia. LILKA ba mangks bara ningkara Latwan lâka warkka wauhkataya tara sapta 8 numba 1, 2 ba laki kaiks.
5. Wihka bîla kaikan lâka bris: Jisas daukan baku dauks
(8 min.) Latwan lâka warkka wauhkataya tara sapta 8 numba 3-5 bara “Naha tikska nani sin laki kaiks” pîska ba wali nani wal laki kaiks.
Lawana sjj-S 134
6. Kangrigisan nitka nani
(5 min.)
7. Pamali mayunra liliakira kum briaia dukiara dîa daukaia sip sma ba
(10 min.) Wali nani wal laki kaikbia.
Enero kati 2009 manka ra, Kangrigisan Baibil Stadika, Nahki Smalkaia Skulka bara Gâd Warkka Daukaia Aidrubanka kumi ra daukbia wahbi sakan. Naha na pamali nani ra sanska yabisa wik bilara aima kum pamali mayunra briaia. Manis naha wahbi sakanka ba dukiara tingki lukisa, kan Jehova lamara waia bara ai pamalika wal kau asla kaia ba dukiara hilp munisa (Kli S 6:6, 7).
Naha smalkanka nani ba hilp mai munbia pamali mayunra lilia kum daukaia dukiara:
-
Piua bani dauki bas. Sip sa kaka wik bani dukiara yua kum bara awar kum wahbi sâks, bara ban wina diara kum takbia kaka baha yua lus tiwbia apia dukiara lukanka wala kum bri bas.
-
Pamali baku dîa laki kaikbia ba kaina manis ridi dauks. Mayam mairin ra bara sam taim, luhpiam nani ra sin, baha yua dukiara ai lukanka nani maikbia makas. Ridi daukaia ba dukiara nit apia sa taim ailal tikaia, kau pali pamalikam wik bani sim dukia daukaia laik sa kaka.
-
Pamalikam nitka ra luki kaiki dîa ridi daukaia sma ba laki kaiks. Pamali bilara luhpa nani pâwi auya taim ai nitka nani ba chens takisa. Baha mita, dîa laki kaikbia ba kumi bani spirit lainka ra pâwbia hilp munaia sa.
-
Pamali mayunra daukisa taim kumi bani ba pain ai dara walbia trai muns. Piua pain sa kaka, sam taim latara taki daukaia sip sa. Baku sin pamali mayunra dauki kabia piua ra nit sa kaka, wirâ ris briaia sip sa. Pamali trabilka apia kaka nitka nani dukiara aisaia pain sa, kuna baha piua ba wapnika mangkaia apia kaka lawi daukaia dukiara yus munpara.
-
Baha yua dukiara diara sât sât dauks. Tânka kum baku, pîska kum ra aidrubanka ra dîa kaikbia ba ridi daukaia sip sa, jw.org wina lilka kum kaikaia sip sa, baku sin smalkaia warkka ra nahki upla wal aisaia praptis munaia sip sa. Pamali mayunra daukisa taim, bîla kaikisa pamali baku aikuki Baibil tânka nani laki kaikbia, kuna kumi bani sait sait ra tânka kum stadi takbia dukiara taim sakaia sin sip sa.
Makabi wals:
-
¿Pamali mayunra daukisma taim naha smalkanka nani ba nahki alki daukram sa ki?
8. Kangrigisan Baibil stadika ba
(30 min.) bt sap. 13 baiki s. 8-16 bara wahia 105 bakska ba.
