Marzo 4-10
LAWANA NANI 16, 17
Lawana sjj 111 bara pura sunra | Tâ krikaia bîla nani (1 min.)
1. Jehova, man sika “yang yamniki”
(10 min.)
Jehova smalkanka yamnikira nani ra tingki, yawan upla pain nani kaia sip sa (Law 16:2, 7; w18.12-S 26 baiki s. 9).
Jehova yamni wan kaikisa, bara ai pânika lâka bri ba mita wan âuyapah wan dara walisa (Law 16:5, 6; w14-S 15/2 29 baiki s. 3).
Jehova wan kaina kahbi ba mita, spirit lainka ra wan âuyapah wan dara walisa (Law 16:8, 9; w08-S 15/2 3 baiki s. 2, 3).
Debit baku, yawan Jehova warkka pas tâura mangki ba mita rayaka lilia kum brisa, kan witin wan yamnika karma sa.
SILP MAMKABI WALS: “¿Jehova dukia daukaia tâ krikri ba wina rayaki ba nahki kau pain takan sa ki?”.
2. Spirit dukia walpa manakira pliki sakaia
(10 min.)
-
Law 17:8. ¿Naha tikska ra “namkra yula” bîla nani ba dîa tânka sa? (it-2-S 491).
-
¿Naha wikka Baibil aisi kaikanka ra dîa spirit dukia walpa manakira nani sakram?
3. Baibil aisi kaikanka ba
(4 min.) Law 17:1-15 (th lisin 5).
4. Upla wal aisaia tâ kriks
(1 min.) UTLA UTLA RA SMALKAIA. Jisas Pruan Kupia Kraukanka paiwanka ba uplika ra yas (th lisin 11).
5. Upla wal aisaia tâ kriks
(3 min.) UTLA UTLA RA SMALKAIA. Jisas Pruan Kupia Kraukanka paiwanka ba uplika ra yas. Uplika kau nu takan daukisa kaka Jisas pruanka ba wan kupia kraukbia lilkika ba mariks bara aikuki laki kaiks (th lisin 9).
6. Upla wal aisaia tâ kriks
(2 min.) BAN WINA SMALKAIA. Jisas Pruan Kupia Kraukanka paiwanka ba uplika ra yas (th lisin 2).
7. Disaipil nani dauks
Lawana sjj 20
8. ¡Jisas Pruan Kupia Kraukanka yua dukiara kaisa ridi takaia!
(15 min.) Wali nani wal laki kaikbia.
Marzo kati yua 24 sandi ra, Jisas adar yaban baku ai pruanka wan kupia kraukaia dukiara asla aidrubia. Jisas ai rayaka sakripais baku yaban ba wal, Jehova bara witin latwan lâka kau tara ba marikan (Lk 22:19; Jn 3:16; 15:13). ¿Naha yua pranakira dukiara man nahki ridi takaia sip sma?
-
Aisanka pranakira bara Jisas Pruan Kupia Kraukanka ra upla ra paiwaia warkka ba, kupiam aiska ni bara sip sma ba kat tâ baiks. Paiwaia want sma uplika nina nani ba wauhtaya kum ra ulbi bris. Uplika ba kangrigisankam smalki pliska lamara iwras sa kaka, jw.org ra dimi, witin iwi pliska lamara ani awarka ra bara ani pliska ra daukbia ba tânka pliki kaiks.
-
Marzo bara Abril katka nani ra smalkaia warkka ra kau tâ baikaia sip sma. ¿Tâ baiki smasmalkra kaia sip sma ki? Naha katka nani dukiara, 15 apia kaka 30 awar nani daukaia sip sma.
-
Marzo kati yua 18 wina, Jisas naha tasba ra kan las wikka ra dîa takan ba dukiara aisi kaikaia tâ kriks. Wahia 6 bara 7 ra “2024 Jisas Pruan Kupia Kraukanka dukiara Baibil aisi kaikanka ba” kaikaia sip sma. Baha tila wina ani aisi kaikaia want sma ba wahbi sakaia sip sma.
-
Jisas Pruan Kupia Kraukanka yua ra, jw.org ra titan mayunra aisanka ba kaiks.
-
Jisas Pruan Kupia Kraukanka aidrubanka ra spirit lainka ra kauhla takan nani ra, bara pas trip bali wan kaikbia nani ra liliakira yamni balram bîla nani yas. Bara aidrubanka dukiara makabi walanka nani brisa kaka ansa munaia wilin taks. Witin nani wal aisas ai watla ra kli wih kaikaia dukiara. Baku Baibil wina kau lan takaia dukiara ai kupia bukaia sip kama.
-
Jisas Pruan Kupia Kraukanka yua kainara bara ningkara sin, atki sakan lâka dukiara tihu luki kaiks.
Jisas pruanka ba wan kupia kraukbia LILKIKA ba mangks. Ningkara makabi wals:
¿Jisas Pruan Kupia Kraukanka ra upla ra paiwaia warkka ra naha lilkika ba nahki yus munaia sip sa?
9. Kangrigisan Baibil stadika ba
(30 min.) bt sap. 6 baiki s. 18-24 bara wahia 48 bakska.
