Sam taim sari wan dara walaia ba diara aihka apia sa, bara baha ba spirit lainka ra swapni sa tânka sin apia sa. Jehova kat sin sam taim sari ai dara walisa (Bla.St 6:5, 6). Sakuna ¿yu bani uba sari wan dara walisa kaka dîa daukaia sip sa?

Jehova ra hilp makas. Witin wan wîna tara yamnika, bara nahki wan dara wali ba dukiara uba lukisa. Witin pain nu sa yawan lilia, apia kaka sari sa taim. Baha baman apia, wan kupia bara wan lukanka ra dîa bri ba witin pain ai tânka brisa (Law 7:9a). Bara kau tânka tara bri ba sika, yawan uba sari sa taim Jehova hilp wan munaia sip sa, kan witin yawan nani ra lukisa (Law 34:18).

Sinskam main kaiks. Lukanka sari nani ba wan liliaka lâka ba tikisa. Kuna kau saura ba sika, Jehova wal wan pânika lâka ra ambuk munaia sip sa. Baha mita tânka tara brisa wan sinska, wibia sa kaka wan lukanka bara nahki wan dara wali ba main kaikaia (S.L 4:23).

WAN MUIHNI LAKRI NANI BA TRABIL TILARA KUPIA KUMI LÂKA BRISA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Depresión sikniska mapara buaia dukiara Nikki dîa dukia nani daukan?

  Ansikam

• ¿Nikki nahki nu takan daktar hilpka plikaia nit kan ba? (Mt 9:12).

  Ansikam

• ¿Jehova ra tniwaia dukiara Nikki dîa daukan?

  Ansikam