Octubre 7-13
LAWANA NANI 92-95
Lawana sjj 84 bara pura sunra | Tâ krikaia bîla nani (1 min.)
1. ¡Wan rayaka ra diara kau prana ba sika Jehova warkka daukaia!
(10 min.)
Jehova ra mayunra yabaia aitani sa (Law 92:1, 4; w18.04-S 26 baiki s. 5).
Witin ra mayuni uplika nani ra hilp munisa wahbi sakanka nani pain dauki lilia lâka bribia (Law 92:5; w18.11-S 20 baiki s. 8).
Ai warkka dadaukra nani ra almuk takbia kra sin Jehova ban kulkisa (Law 92:12-15; w20.01-S 19 baiki s. 18).
SILP MAMKABI WALS: “¿Jehova ra rayaki yabaia bara tahbi daukan lâka briaia dukiara dîa ba ai alki takaski sa ki?”
2. Spirit dukia walpa manakira pliki sakaia
(10 min.)
-
Law 92:5. ¿Dîa muni naha bîla nani ba Jehova Gâd sinska lâka tara ba dukiara tânka pain marikisa? (cl-S 176 baiki s.18).
-
¿Naha wikka Baibil aisi kaikanka ra dîa spirit dukia walpa manakira nani sakram?
3. Baibil aisi kaikanka ba
(4 min.) Law 94:1-23 (th lisin 5).
4. Upla wal aisaia tâ kriks
(4 min.) BAN WINA SMALKAIA. Uplika wal aisisma piua ra man Baibil smasmalkra kum baku dîa daukisma ba tânka marikaia dukiara tnatka kum pliks (lmd sapta 5 numba 3).
5. Upla ra kli wih kaiks
(3 min.) BAN WINA SMALKAIA. Jehova witniska nani wal Baibil stadi takaia want apia kan uplika kum ra Baibil stadika kum tâ krikaia kupia buks (lmd sapta 8 numba 4).
6. Disaipil nani dauks
(5 min.) Spirit lainka ra pawras Baibil stadi tatakrikam wal aisas (lmd sapta 12 numba 5).
Lawana sjj 5
7. Diara ailal ra luki wan kupia turbaia lâka ba wahma tiara nani ra sin ambuk munisa
(15 min.) Wali nani wal laki kaikbia.
Diara ailal ra luki wan kupia turbaia lâka ba, Jehova napakanka nani ra sin ambuk munaia sip sa. Tânka kum baku, King Debit ai rayaka ra aima kum kum ra kupia turbanka nani brin, bara naiwa piua ra muihni lakri kum kum nani ra sin baku takisa (Law 13:2; 139:23). Sari sa, kuna wahma tiara nani kat sin baku ai dara walaia sip sa. Diara ailal ra luki wan kupia turbaia lâka ba, trabil tara kum sa, kan naha tâka mita skul ra waia, aidrubanka nani ra waia, apia kaka yu bani dauki warkka nani ba, wirhika tara kum sa baku wan dara walaia sip sa. Bara sam taim naha trabilka ba sip sa, sibrin lâka tara wan sinska ra lukaia, apia kaka silp wan rayaka tikaia lukanka nani briaia.
Wahma tiara nani, diara nani ra uba luki wan kupia turbaia lâka trabilka ba mita saura damra walisma kaka, aisikam yaptikam apia kaka spirit lainka ra pâwan kristianka kum wal aisas. Bara ban kupiam krauki bas, Jehova ra pura sunra bâk ai hilpka makabaia (Pil 4:6). Witin hilp mai munbia (Law 94:17-19; Ais 41:10). Steing sturka wina lan takaia sip sma.
Jehova yang ra lukisa. LILKIKA ba mangks. Ningkara makabi wals:
• ¿Ani Baibil tikska nani Steing ra hilp munan, bara dîa muni?
• ¿Jehova witin ra nahki main kaikan?
Aisa yapti nani, man nani sip sma luhpiam nani ra hilp munaia diara ailal ra luki kupia turbaia lâka trabilka ba pura luaia. Witin nani ra aman wals, latwan kaikisma ba wis, Jehova witin nani ra latwan kaiki ba kau kasak lukbia dukiara hilp muns (Tai 2:4; Je 1:19). Amya tikpara Jehova maisa nihkra bara karnika nit sma ba maikbia, baha mita witin ra tniws.
¿Kangrigisan bilara diara ailal ra luki wan kupia turbaia lâka trabilka mapara upla kum aiklabisa ki? Ban kra kum bâra sa, kuna yawan nu âpu sa. Apia kaka muihni lakri kum baha trabilka mapara aiklabi ba yawan nu sa, kuna witin nahki ai dara wali ba tânka briaia karna wan munisa. Baku kabia kra sin, yawan sip sa diara kum daukaia: karna trai munaia sa muihni lakri nani ra yamni briaia bara latwan lâka marikaia (S.L 12:25; Hib 10:24).
8. Kangrigisan Baibil stadika ba
(30 min.) bt sap. 16 baiki s. 6-9, bara wahia 132 bakska.
