LAWANA 109
Wan kupia aiska ni pana pana latwan kaikpi
-
1. Yawan latwan kaikisa taim,
Gâd kupia lilia daukisa,
kan witin latwan lâka sa
yawan pain kaikisa.
Baku latwan kaiki ba ra,
Jehova wal asla ban sa,
wan muihni, lakri aikuki,
asla ban iwisa.
Yawan wilin hilp muni,
trabil bri uplika nani ra
pâna pain kum takisa,
kupia yamni mariki.
Jisas dauki wan marikan
Gâd ai latwanka lâka ba,
ba sika wan kupia nikbi,
wan walka nani sut ra
kasak latwan kaikaia.
(1 Pi. 2:17; 3:8; 4:8; 1 Jan 3:11 ba sin kaiks).
