1. Gâd wal tauki kaia kaka

bawikira kaia sma.

Kasak lâka ba, latwan lâka sin

piu bani mariki bas.

Ai smalkanka nani alki bris,

ban kasakkira bas.

Jehova ra walma kaka

piu bani tâm bri kabia.

2. Gâd wal tauki kaia kaka

holi, sunu kaia sma.

Saurka lâka ba ban pura luma

ai hilpka plikma kaka.

Tâski âpu dukia nani ra,

sinskam ba mangki bas.

Ban sunu kat iwma kaka

Jehova man wal kabia.

3. Gâd wal tauki kaia kaka

liliakira kaia sma.

Ban tingki wi bas, kan Dawan mita

blisin ailal maikan sa.

Bara kupiam liliaka mariks,

upla sut mawanra.

Ban kaia ra lilia kama,

Gâd wal ban taukma kaka.