LAWANA 40
¿Wan Gâdka ba ya sa ki?
-
1. ¿Gâdkam ba ya sa ki?
¿Ya bîla ba walisma?
Yaura mayunra yabisma ba
baha sika gâdkam kabia.
Lilia kama wisi
gâd wâl ba sip briras sma.
Sinskam bara kupiam aiska ba wal
man wahbi sakaia sma.
-
2. ¿Ya man gâdkam kabia?
¿Ya bîla wali kama?
Gâd kumi baman rait aihwa sa,
man mihtam ra sa, wahbi sâks.
Sitan tasbaya ra
kasak luki kapara.
Rait aihwa Gâdka ba Jehova ra
man wahbi sakaia sma.
-
3. ¿Gâdki ba ya sa ki?
¡Jehova yang Gâdki sa!
Witin ra baman kasak kamna,
Ai bîla wali daukamna.
Kan atki wan sakan
yang Gâdki ra latwan sna.
Jehova ra baman mayunamna
yang rayaki aiska ra.
(Jas. 24:15; Law. 116:14, 18; 2 Ti. 2:19 ba sin kaiks).
