1. Gâdki man bui tâinka plikram,

ai kaikisma kakna tihmia ra sin,

yang kupi ra brinki laki kaikisma.

Laih wina man diara sut kaikram

Dawanki.

Yukuwan ra namkra ai kaikan

yaptiki biara ra yang kapri taim,

pat ulban kan yang wîni pîska bani.

Man mihtam karnakira wal

ai paskram si.

Paskankam nani kasak mamyunisa,

wan smalkisa sinskira pali sma.

Lamtwanka sin param wan marikisa.

Baha mita kupi mamyunisa.

Man ra tingki wingki puhbisna,

¿ansa ra sin yang wih plapamna ki?

Pruamna kra yang sip lulki mai swiras,

baha ra sin ai

alkaisma man mihtam ni.