1. Wan kupia buki pana pana

Jehova dukia daukaia.

Wan latwanka lâka kau karna

baku asla wan daukisa.

Gâd uplika nani aikuki

bakahnu bapi buisa.

Wan kangrigisanka ba mita,

kasak wan kaina kahbisa.

2. Sturi kum piua kat aisi ba

kasak wan maisa nihkisa.

Kau pana pain yawan bri banhwi

baha nani wina brisa.

Wan kasak lukan lâka kumi

aikuki asla iwisa.

Wan maisa wilki pana pana

wan wirhika ba bukisa.

3. Sain nani wal yawan kaikisa

Jehova yua pat aula,

asla aidrubi kaia nit sa

wan muihni lakri aikuki.

Ban asla yawan mayunaia

wan kangrigisan bilara,

bamna ban wan tâ baiki kabia

yu bani ban kaia ra sin.