Piua aiska bîla laki daknika nani 60 % kau pura ba apis tara nani kat wark takras, laih wina bîla lakaia apiska nani (ORT) kat wark takisa. ¿Dîa muni baha ba yamni sa? ¿ORT kum pain wark takaia dukiara dîa nit saki? ¿Dîa muni wiaia sip sa ORT nani ba kau pain bîla lakaia tâ baikisa?

 ORT kum ba ani bîla laki ba aisi pliska kat mangkisa. Bajo Aleman bîla lalakra Karin ba naku aisisa: “México kuntrika, Chihuahua, Cuauhtémoc tawanka ra ORT ba mangkan. Nâra bali banhwri ba mita, nanara piua bani Bajo Aleman bîla aisaia sanska bâra sa. Bîla lalakra nani wal apia kaka smalkaia warkka ra baman apia, diara atkaia wih banhwisna piua ra sin. Piua sut ra Bajo Aleman bîla wali banhwisna. Bajo Aleman uplika nani nahki aisi ba pat piua wihka walras banhwi kapri. Nawas upla nani nahki aisi ba nu takaia sip banhwisna”.

 James, Ghana kuntirka, Frafra bîla lakaia daknika ra wark taki ba sam taim Betel pamalika ra kaikan daukisa, kuna naku wisa: “ORT ra wark takaia ba uba lilia ai daukisa. Tawan uplika nani ra ai yapti bîla kat sturka yamni nani smalki, ai kupia nikbi ba kaikuna taim, uba lilia sna”.

 ¿Anira ORT mangkaia nahki wahbi sakisa? Joseph, Warwick (Nueva York) ra Tasba Aiska ra Diara Paski bara Mâki Daknika ra wark taki ba naku aisisa: “Plis kum kum ba lait bara lî trabilka brisa. Baku sin bîla lakaia dukia nani briaia dukiara Internet pain briras sa. Baha mita ani bîla laki ba aisi tawanka nani tila wina laki kaikisa ani tawanka ra ORT kum mangkaia kau pain sa sapa”.

 Tnatka kau isi bara lalah uya tikras ba sika, Aidrubanka Tara Watla, Asla Aidrubanka Watla apia kaka misan uplika nani watla ra ORT kum mangkaia. Bara bîla lalakra nani ba baha lama kat iwaia. Bahamuna pliska âpu kaka, bîla lalakra nani iwi wark takaia dukiara optis watla kum atkisa. Baku daukisa kaka, bîla lakaia daknika ra chens munanka nani takisa taim, mahka upla ra atkaia sip sa. Baku lalah ba kau pain yus munaia sip sa.

 Mani 2020 smalkaia warkka ra, ORT nani main kaikaia dukiara 13 milliones dalas yus munan. ORT nani ra nit sa computadora nani, computadora programka yuskira nani, audio grabar munaia masinka nani, Internet, lait bara lî sin. Computadora kum ridi munaia dukiara, upla kumi bani 750 dalas nit sa. Baku sin computadora bilara programa kum Watchtower Translation System wi ba dingkaia nit sa. Baha programka ba bîla lakaia warkka kau pain bara isi daukaia hilp munisa.

 Apis nani ra grabar munaia masinka nani sin ridi munisa. COVID-19 pandemika tâ krikan taim, baha dukia nani ba kasak yus takan. Bîla lalakra manis, baha dukia nani ba ai watla kat brih wan. Baku tnatka ra sip kan audio bara video nani paski kaia.

 Lamara iwi muihni lakri nani sin ORT warkka ba tâ baikisa. Kum kum ba apiska watla main kaikisa, wala nani bâra sa ani bîla lakan ba pain tânka brisa sapa bîla lalakra nani ra aisisa. Sudáfrica kuntrika Ciudad del Cabo tawanka Afrikáans ORT ra wark taki Cirstin ba naku wisa: “Smalki tataukra bara tâura smasmalkra manis ba warkka tâ baikaia dukiara ai karnika bara sinska yus munisa”.

 Lamara iwi muihni lakri nani ba ORT warkka wina liliaka sakisa. Kristian mairin kum ba wisa: “Nâra wark takisna taim, âuyapah sna”. Audio grabar munaia tâ baiki muihni lakri nani sin bâra sa. México kuntrika Veracruz tawanka ra Totonaco bîla laki Juana ba naku wisa: “Nanara Totonaco bîla aisi tawanka lama kat bîla laki banhwisna. Grabar munaia dukiara muihni lakri nani ra paiwaia kau isi takan sa”.

 ¿Sakuna ORT nani ba kau pain bîla lakaia tâ baikisa ki? Upla milian milian âu wisa. República Democrática del Congo kuntrika ra Congo bîla laki Cédric ba naku aisisa: “Pas taim muihni lakri kum kum ba wan ulbi sakanka nani nahki bîla laki ba dukiara naku wisata, ‘Watch Tower Congoka’. Kan upla nani nahki aisi ba wal sât wala kan. Sakuna nanara ulbi sakanka nani aisi kaiki wisa, upla nani yu bani nahki aisi ba kat sa”.

 Sudáfrica kuntrika Xhosa bîla laki daknika ra wark taki Andile ba sin sim sât aisisa: “Muihni lakri nani manis wisa bîla lakanka ba kau pain takan. Tuktan nani ba Atalaya wauhkataya ba Inglis bîla ra aisi kaiki kan, kuna nanara Xhosa bîla kat aisi kaikisa. Kau pali la revisión de la Traducción del Nuevo Mundo Baibilka nahki bîla lakan ba laik kaiki banhwisa”.

 ORT apiska nani mangkaia, main kaikaia bara baha ra wark taki nani nitka main kaikaia dukiara, tasba aiska smalkaia warkka ra wilinkira prisant yaban ba wina lalah yus munisa. Internet donate.pr418.com bâk sip sa lalah prisant yabaia.