¡BAN AIHWAKI KAIKI BAS!
2022: Trabil ailal takan manka kum | ¿Baibil dîa wisa?
Mani 2022 bilkara, tilivisan ra war sturka nani, lalah trabilka sturka nani, bara tasba sauhkanka sturka nani baman walan. Baibil baman tânka marikisa dîa muni naha trabilka nani taki kan ba.
¿2022 manka ra trabil nani takan ba dîa marikisa?
Mani luan trabilka nani ba marikisa, Baibil wi ba baku yawan “tnata yua nani” ra iwisa (2 Timoti 3:1) Naha piua ba 1914 manka ra tâ krikan. Kaiks, nahki naiwa piua trabilka nani ba Baibil prapit aisanka nani wal asla sa:
“War trabilka nani” (Matiu 24:6).
“Mani 2022 ra Europ kuntrika nani ra war trabilka aihka nani kli tâ krikan”. a
“Rusia war aiklabaia daknika ba Ucrania kuntrika kutbi briaia tâ krikan” ulbanka ba kaiks.
“Plun tiwan” trabilka nani (Matiu 24:7).
“2022: Plun tiwan trabilka manka kum”. b
“Ucrania kuntrika war aiklabanka tâka mita tasba aiska ra plun wahwisa” ulbanka ba kaiks.
“Siknis sât sât nani” trabilka (Luk 21:11).
“Polio sikniska kli tâ krikan ba, urus wina sikniska taki ba, bara COVID-19 sikniska saura ba tâka tasba aiska ra pât wahwanka manis daukan sa. Naha sikniska saura nani ba marikisa, nahki upla nani ba naha trabilka nani mapara sip buras ba”. c
“COVID sikniska tâka 6 milian uplika nani pruan” ulbanka ba kaiks.
“Sain aihka nani sin kaikbia” (Luk 21:11).
“Tasba aiska ra aihka bitni takan ba, tasba lawan ba, dus nani ami tiwan ba, bara lisamra tara nani ba. 2022 manka ra bitni piua ba tasba aiska ra trabil manis bri balan ba mita, wan sinska ra ban takaskbia. Tasba sauhkanka nani tâka diara manis sauhki tikan sa, upla manis pruan sa, bara upla milian nani ai watla lus tiwan”. d
“Tasba aiska ra aihka bitni takisa” ulbanka ba kaiks.
“Blahwan lâka nani” trabilka (Luk 21:9).
“Lalah trabilka tâwan, kau pali plun mana uli ba mita, upla manis kupia baiwan lâka marikisa. Baha mita 2022 manka bilkara, gabamint nani mapara wapanka tara nani daukan sa”. e
“Tasba aiska ra diara nani praiska ba mana pali ulisa” ulbanka ba kaiks.
¿Mani aula ba dîa takbia ki?
Upla kumi sin nu âpu sa, 2023 manka ra dîa takbia ba. Sakuna yawan diara kum tisku takbia lika nu sa. Gâd Kingka lâka heven ra ba naha Tasba trabilka nani wapnika mangkbia (Daniel 2:44). Naha gabamintka ba pât wahwanka nani sut âpu daukbia, bara naha Tasba ra Gâd kupia lâka daukbia yabia (Matiu 6:9, 10).
Kupiam bukisa naha Jisas bîla ba walaia dukiara: “¡Man nani aihwaki bas!”. Bara tasba aiska ra dîa taki ba nahki Baibil prapit aisanka nani wal asla ba kaikaia sin (Mark 13:37). Naiwa piua ra nahki Baibil hilp mai munaia sip ba, bara kaina piua dukiara pamalikam ra bîla kaikanka painkira kum yabaia sip ba kaikaia dukiara, pliskam pali Jehova witniska kum wal aisas.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Baha sin laik kaikma
ESSENTIAL BIBLE TEACHINGS
¿Gâd Kingka Lâka ba dîa sa ki?
Jisas smalkaia warkka ra, witin smalkan tila ba wina Gâd Kingka Lâka dukiara kau smalkan. Mani handat ailal piua ba tilara upla nani ai pura suni sa Gâd Kingka Lâka ba balbia.
PAS SMALKANKA NANI
Mani 1914 ba wina Gâd Kingka Lâka ba aimakisa
2,600 mani kau pura luan ra, king karnakira kum ra Gâd mita yaprisauhkan kum ra dîa marikan ba, naiwa piua ra aimakisa.
WAN WARKKA
Wih mai kaikbia makas
Baibil tânka kum dukiara aisas, apia kaka Jehova witniska nani dukiara kau lan taks
