2024 manka ba trabil ailal brih aula sa, bara upla ailal nahki wapnika mangkbia sapa lukisa. Kuna naika piua dukiara bîla kaikanka bâra sa. ¿Ani ra baha sâkbia ki?

 Baibil ba pramis wan munisa, naiwa trabilka nani mita wan sarka paski ba sut Gâd mita wapnika mangkbia. Baku sin, upla sut dukiara tisku witin dîa daukbia ba tânka marikisa: “Witin nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin” (Param Marikan 21:4).

•   Man Baibil pramiska nani dukiara kau lan takaia want sma kaka, “La esperanza real de un mañana mejor” ulbi sakanka ba aisi kaiks.

 Bîla kaikan lâka Baibil maiki ba, diara saura nani takbia lukisma ba yamni takbia lukaia hilp mai munaia sip sa (Roman 15:13). Baha baman apia, Baibil ba smalkanka painkira nani maikisa naiwa trabil nani brisma ba mapara buaia dukiara, umpira lâka, kasak apia lâka, apia kaka siknis trabilka nani baku.

•   Umpira lâka ra pâwan waitnika kum ra Baibil bîla kaikanka nani ba lilia kaia dukiara nahki hilp munan ba nu takaia dukiara, Juan Pablo Zermeño: Jehová le dio propósito a mi vida lilkika ba kaiks.

•   Uplikam latwankira lus tiwisma taim, pâtkira damra walisma taim, sari apia kaka kupiam turbisma taim, Baibil nahki hilp mai munaia sip ba kaiks. “¿Puedo encontrar consuelo en la Biblia?” ulbi sakanka ba aisi kaikaia sip sma.

•   War aiklaklabra mairka kum silp luki kan, witin ba “upla kum praut bara wala nani ra umpira kaikras”. Witin nahki Baibil wina bîla kaikan lâka pliki sakan ba nu takaia dukiara, Cambié las armas por la Biblia lilkika ba kaiks.

 ¿2024 manka ba man bara pamalikam aikuki mani pain kum kabia brin mai daukisa ki? Baku mai takbia Baibil ba hilp mai munaia sip sa. Baibil stadika nani prisant yabi banhwisna ba briaia sip sma, bara kaiks Gâd nahki kupia kumi lâka bara naika piua dukiara “bîla kaikanka aihwa kum” maikaia sip ba (Jirimaya 29:11).