Tasba Aiska ra Wîna Tara Warkka Dauki Asla Takanka (Organización Mundial de la Salud, apia kaka OMS) bila, 2022 mayo kati 23 kat, upla 6,27 milian nani pruan sa COVID-19 sikniska tâka. Ban sakuna 2022 mayo kati 5 kat, piriudiku kum maisa pakan, OMS param takan sa upla pruan nani ba kau ailal kaia sip sa. Bahara win, 2020 bara 2021 bilkara upla nani sut pruan ba, COVID-19 sikniska apia kaka sikniska talika kabia sin, 14,9 milian nani baku takisa”. Naha sât diara sibrinkira ba dukiara, ¿Baibil ba diara kum win sa ki?

•    Diara nani takbia Jisas dahra aisi win. Baha piua ba Baibil nina mâkisa “tnata yua nani”, bara “siknis sât sât” aihka saura nani takbia win (2 Timoti 3:1; Luk 21:11, Traducción en lenguaje actual).

 Naha Jisas dahra aisanka nani ba naiwa aimakisa. Kau nu takaia want sma kaka, “¿Cuál es la señal de ‘los últimos días’ o ‘los tiempos finales’?” ulbanka ba aisi kaiks.

•    “Maisa nanihkra Gâdka sa. Pât nani sut yawan wahwi ba tilara witin yawan wan maisa nihkisa” (2 Korint 1:3, 4).

 Upla ailal prura tâka mita ai latwankira kum lus tiwan ba, Baibil ra maisa nihkra sakan sa. “Cómo sobrellevar el duelo: Sugerencias prácticas” bara “La mejor ayuda para quienes están de duelo” ulbanka nani ba aisi kaiks.

•    “Man king aimakaia ba yarka balbia. Man kupiam lâka tasba ra daukan kabia,kasbrika purara dauki ba baku” (Matiu 6:10).

 Tisku pali Gâd Kingka lâka mita naha bîla dîa win ba aimakbia: “Iwi nani ba wibia apia: ‘Yang siknis sna’” (Mark 1:14, 15; Aiseya 33:24). Naha Kingka lâka dukiara kau nu takaia want sma, bara dîa daukbia ba sin nu takaia dukiara, ¿Gâd Kingka Lâka ba dîa sa ki? lilkika ba kaiks.

 Baibil dîa wi ba kau lan takma mai paiwi banhwisna. Baku, man pamalikam aikuki tânka sinskira nani ba, bara Gâd pramiska painkira nani ba nu takaia hilpka briaia sip sma.