Jisas naha tasba ra kan taim latwan lâka tara marikan, witin upla nani dukiara ai rayaka sakripais baku yaban (Matiu 20:28; Jan 15:13). Tisku pali witin Gâd kingka lâka kingka baku ai karnika bri ba, yus munbia upla nani ra kli ai latwanka lâka marikaia dukiara, kan “witin war nani âpu daukan kabia tasba aiska ra” (Lawana Nani 46:9).

 Jisas tisku dîa daukbia ba dukiara Baibil ba naku wan smalkisa:

•   “Witin bui swaki sâkbia baha umpira nani makabi ba bara diara luha nani upla bui hilp munras nani ba. Bawikira nani ra ai kupia swapni bribia, bara umpira nani rayaka ba swaki sakan kabia. Witin nani ai rayaka ba mana tara sa, baha mita taibi, saura muni nani ba mihta wina swaki sakan kabia” (Lawana Nani 72:12-14).

 Jisas yawan kumi bani dukiara dîa daukan, bara kaina piuara sin dîa daukbia ba dukiara ¿Nahki wan tingkika lâka marikaia sip sa ki? Luk 22:19 ra, Jisas ai disaipilka nani ra win, ai pruanka ba ai kupia krauki banhwi kabia. Baha mita mani bani Jehova witniska nani ba asla takisa, Jisas pruanka ba wan kupia kraukaia dukiara. Bara mai paiwi banhwisna yang nani wal asla takma Jisas pruanka ba wan kupia kraukaia dukiara. Naha aidrubanka ba 2024 marzo kati, 24 yua sandi ra kabia.

Asla aidrubaia dukiara pliska kum plikaia