2023 enero kati 27 yua ra, upla manis tasba aiska ra, Ju nani ra iki tikanka yua baku ai kupia kraukbia. Mani 75 luan ra diara saura pali takan ba dukiara lukisma taim, ban kra mamkabi walma ¿dîa muni Gâd swin baha takbia?

•   Baibil dîa wi ba nu takaia want sma kaka, naha ulbanka ba aisi kaiks: “¿Por qué sucedió el Holocausto judío? ¿Por qué Dios no lo impidió?”.

 Ju nani ba baha sauhki tikanka tara tilara kan. Witin nani uba panis wahwan, bara upla milian milian ra iki tikan. Baku sin, baha piua ra upla dakni wala nani ra nina bliki rausauhkan, bara iki tikan. Baha uplika nani tilara Jehova witniska nani sin bâra kan, Baibil dîa wi ba kasak luki banhwi kan ba mita, witin nani ra nina bliki rausauhkan.

•   Kau nu takaia want sma kaka, naha ulbi sakanka ba aisi kaiks: “¿Qué les ocurrió a los testigos de Jehová durante el Holocausto?”.

 Upla manis si brisa, naiwa piua ra sin Ju nani iki tikanka takan baku kli takaia sip sa lukisa. Kuna Baibil ba âuyapah lâka wankisa, kan pramis munisa naika piua ra baha sât diara saura nani kli takbia apia.

•   “Yang kaikisna man nani dukiam dîa daukaia lukisna ba, man nani ra yamni takaia daukaia sna, saura lika apia, man nani bîla kaikanka aihwa kum brima lukanka wal. Yang, Dawan [Jehova], kasak aisisna” (Jirimaya 29:11). a

 Naha bîla kaikanka ba rait takbia, Jehova mita saurka lâka ba danh âpu daukbia taim, bara dîa aisawan ba sut kli paskbia piua ra. Tisku pali, Gâd mita naha diara nani ba daukbia:

•   Upla watawikira nani ba âpu daukan kabia, wala nani ra saura muni nani ba (Sins Lâka 2:22).

•   Pât wahwi nani nakra laya sut dikan kabia, bara las kat âuyapah lâka sakan kabia (Param Marikan 21:4).

•   Pruan nani ba naha Tasba ra kli bukan kabia (Jan 5:28, 29).

 Naha Baibil pramiska painkira ra man sin kasak lukaia sip sma. Tânka ba kau nu takaia want sma kaka, Baibil stadika kum brima mai paiwi banhwisna.