¡BAN AIHWAKI KAIKI BAS!
Lâ daukanka piua las dukiara científic nani ba piua kunhku kum mangkan sa | ¿Baibil dîa wisa?
2023 enero kati yua 24 ra, científic nani ba lâ daukanka piua las ba, wibia sa kaka, tasba tnata ba, tihmia kum bakriki ra aimâkbia win. a
“Ucrania war aiklabanka ba, piua nani chens taki aula ba mita, bara bum lulki trabilka tâka, upla trabil wahwanka nani ba, wibia sa kaka lâ daukanka piua las ba, Tiusdi ba tihmia kum bakriki praiska baku, lamara balan sa” (Servicio internacional de noticias de la agencia AFP).
“Naha Tiusdi científic nani maisa pakan, lâ daukanka piua las ba, tihmia bakriki kum 90 sekan baku lamara balan sa, tasba tnata piua ba, lama pali balan sa” (ABC News).
“Tasba aiska wina científic daknika nani ba upla nani ra maisa pakisa, piua luan nani ba wal naha piua nani ba tasba sauhkanka tara ba kau lamara sa” (The Guardian).
¿Upla nani bara naha tasba sauhki tikanka ba baila sa ki? ¿Wan kaina piua dukiara sibrin lukaia sa ki? ¿Baibil dîa wisa?
Kaina piua dukiara dîa bîla kaikanka brisa
Baibil wisa “tasba ba, aihka takras ban bara [kabia]” bara upla nani dukiara wisa “ban kaia ra sin baha tasbaya ra iwi kabia” (Smasmalkra 1:4; Lawana Nani 37:29). Bamna upla nani ba tasba sauhki tikbia apia bara upla sip iwras tasbaya kum daukbia apia sa.
Kuna Baibil ba las piua kum dukiara aisisa. Tânka kum baku, wisa “bara tasba na [...] mahka lui auya” (1 Jan 2:17).
Tasba tnata wisa taim Baibil dîa tânka ra aisisa, nu takaia want sma kaka, ulbi sakanka “¿Se acerca el fin del mundo? ¿Qué es el apocalipsis? ” aisi kaiks.
Baibil ba naha tasba kaina ra dîa takbia dukiara aisisa man nu takaia want sma kaka, ulbi sakanka “¿Cuándo será el fin del mundo?” aisi kaiks.
Lilia lâka ban bri bas
Naha tasba trabilka tilara lilia lâka ban bri kaia dukiara Baibil ba hilp wan munisa. ¿Dîa tnatka ra?
Baibil ba wan rayaka dukiara smalkanka nani wankisa (2 Timoti 3:16, 17). Tânka kum baku, naha tasba trabilka tilara, lilia lâka ban bri kaia dukiara Baibil nahki hilp mai munaia sip sa, nu takaia want sma kaka, ulbi sakanka “Qué puedo hacer para no preocuparme tanto” aisi kaiks.
Baibil ba sin kaina piua dukiara bîla kaikanka aihwa kum wankisa (Roman 15:4). Naiwa bara kaina piua dukiara dîa bîla kaikaia sip ba wan wisa, bara naha nu kaia ba hilp wan munisa trabil ailal naha tasba ra taki ba mapara bapi buaia.
Baibil yamnika kau sakaia want sma kaka, mai paiwisa naiwa wina Baibil stadika kum brima.
a “Científic nani Watch kum yus muni lâ daukanka piua las ba tânka marikisa. Witin nani upla sut ra maisa pakisa yawan dîa paski balan nani ba wal iwi tasbaya ba sauhki tikbia. Praki kaikanka kum sa, naha tasba ra ban iwi kaia want sa kaka ani trabilka wapni mangkaia nit ba wan kupia kraukisa” (Bulletin of the Atomic Scientists [Boletín de Científicos Atómicos]).