2022 junio kati ra Tasba Aiska Bank nani Daknika wihtika ba win, “Tasba aiska ra kli lalah trabilka tara bâra sa”. Baku sin win, “Naha trip diara sut ba isti pali mana takisa, bara sim piua ra upla nani diara atkaia dukiara lalah uya briras sa”.

 Tasba Aiska Lalah Bisniska Pura Kaiki Daknika ba naku wisa, “Gias mana bara plun mana isti pali ulan sa, baha ba kau pali kuntri umpira nani ra iwi nani ra ambuk munan sa”.

 Baibil ba hilp wan munisa tânka briaia, dîa muni naha sât lalah trabilka nani bâra sa, yawan nahki bapi buaia sip sa, bara naha trabilka ban kaia ra wapnika mangkbia bîla kaikanka bâra sa.

•   Baibil ba wisa wan piua ba “tnata yua nani” sa (2 Timoti 3:1).

•   Jisas win naha piua bilkara “sain aihka nani” takbia (Luk 21:11). Diara nani praiska mana ulisa taim, upla nani sirang iwisa. Witin nani ai kaina ra dîa takbia ba ra, bara ai pamalika nitka ba ra luki, uba wari takisa.

•   Param Marikan bukka ba naha piua ra plun praiska mana pali ulbia prapit aisan kan. “Bîla baikra kum naku aisi kan walri: ‘Plawar mâ kwart kumi ba [yu aiska wark takan mana praiska], bara barli mâ kwart yumhpa ba [yu aiska wark takan mana praiska]’” (Param Marikan 6:6).

 “Tnata yua nani” dukiara, bara Param Marikan bukka prapit aisanka dukiara kau lan takaia want sma kaka, Tasba ba mani 1914 wina sât wala takan lilkika ba kaiks, bara “¿Qué representan los jinetes del Apocalipsis?” ulbanka ba aisi kaiks.

•   “Utla nani mâki ba, baha watla nani ra iwbia wain nasla nani mangkbia, bara baha mâ nani ba wina ai pata pibia. Witin nani utla mâkbia apia, upla wala kra iwbia dukiara, witin nani sin mangkbia apia, upla wala baha wina pibia dukiara” (Aiseya 65:21, 22).

•   “Plawar mâ ailal bâra kabia, ¡il bahna nani ba sut plun pali man kabia!” (Lawana Nani 72:16).

•   “Dawan [Jehova] naha aisin: ‘Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.’” (Lawana Nani 12:5). a

 Gâd tisku pali tasba aiska ra lalah trabilka nani wapnika mangkbia, kuntri kumi ra baman daukbia apia. Witin baha nahki daukbia nu takaia want sma kaka, “¿Es realista esperar un sistema económico justo?” ulbanka ba aisi kaiks.

 Sakuna nawas ra sin, Baibil ba hilp mai munaia sip sa, lalah trabilka nani mapara bapi buaia dukiara. ¿Kuna nahki tnatka ra? Lalah nahki tânkira yus munaia wan smalkisa (Sins Lâka 23:4, 5; Smasmalkra 7:12). Kau lan takaia want sma kaka, “Cuide su economía” bara “Cómo vivir con menos” ulbanka nani ba aisi kaiks.