2022, febrero 24 titan pali ra, Rusia war aiklabaia daknika ba Ucrania kuntrika kutbi briaia tâ krikan. Tasba aiska ra gabamint tâ bri uplika nani ba naha war aiklabanka takbia apia dukiara karna wark takan, kuna takaskaia sip apia kan. ¿Naha war aiklabanka taki ba tasba aiska ra nahki saura munaia sip sa? Naciones Unidas tâ bri uplika kum, António Guterres ba de kum kum luan ra maisa pakan, bara naku win: “Eurup bara tasba aiska ra upla ra nahki saura muni ba, bara diara sauhki tiki ba, prais kum mangkaia sip apia sa”.

•   Jisas prapit dahra aisan “kuntri kumi mita wala mapara aiklabia, tasba kum mita wala mapara war aiklabia” (Matiu 24:7). War aiklabanka nani naiwa piua ra taki ba, nahki Jisas prapit aisan ba wal asla taki aimaki ba kaikaia want sma kaka, “¿Cuál es la señal de ‘los últimos días’ o de ‘los tiempos finales’?” ulbanka ba aisi kaiks.

•   War aiklabanka nani ba, Param Marikan bukka ra aras pauni kum bara âiulrika “tasba aiska wina kupia kumi lâka ba [sakbia]” baku marikisa (Param Markan 6:4). Naha dukiara kau nu takaia want sma kaka, “¿Qué representan los jinetes del Apocalipsis?” ulbanka ba aisi kaiks. Aisi kaikma taim man tânka brima, naha war aiklabanka nani nahki naha prapit aisanka ba wal asla ba.

•   Daniel bukka ra yahbra kingka bara waupasa kingka dukiara aisisa, bara win pana pana aiklabi kabia (Daniel 11:25-45). Prapit aisanka aimakanka ba—Daniel sapta 11 lilkika kaikma taim tânka brima, Rusia bara witin ra tâ baiki kuntrika nani ra dîa muni yahbra kingka mâkisa. a

•   Param Marikan bukka ba “Gâd witinka karnika sut bri ba yua tara warkka” dukiara sin aisisa (Param Marikan 16:14, 16). Sakuna naiwa piua ra taki ba baku, naha war aiklabanka ba nisan nani trabilka apia sa. Naha war aiklabanka kaina piua ra takai ba dukiara kau nu takaia want sma kaka, “¿Qué es el Armagedón?” ulbanka ba aisi kaiks.

•   Baibil ra Gâd pramis munisa “witin war nani âpu [daukbia], tasba aiska ra” (Lawan Nani 46:9). Jehova pramiska nani dukiara kau lan takaia want sma kaka, “La esperanza real de un mañana mejor” ulbanka ba aisi kaiks.

•   Jisas ba ai disaipilka nani ra smalkan, Gâd Kingka lâka balbia makabaia (Matiu 6:9, 10). Baha Kingka lâka ba gabamint kum sa, bara Jehova Tasba dukiara dîa luki ba kat daukbia. Tasba aiska ra kupia kumi lâka bri balaia ba Gâd lukanka tilara sa. Baha Kingka lâka man dukiam ra dîa daukbia nu takaia want sma kaka, ¿Gâd Kingka Lâka ba dîa sa ki? lilkika ba kaiks.

 Ucrania kuntrika ra Jehova witniska nani 129.000 kau pura bâra sa. Tasba aiska ra Jehova witniska nani dauki ba baku, witin nani sin Jisas daukanka nani nina bliki, pulitik tilara dimras, bara war aiklabanka nani tâ baikras sa (Jan 18:36). Tasba aiska ra, plis sât sât ra, Jehova witniska nani ba “king lâka sturka yamni” dukiara aisisa, bara war aiklabanka baku upla trabilka nani nahki wapnika mangkbia dukiara sin aisisa (Matiu 24:14). Baibil bîla kaikanka wanki ba dukiara kau nu takaia want sma kaka, mai paiwisa Jehova witniska kum wal aisaia.