2022 mayo kati 24 yua ra, Stechi kuntrika Texas, tawan sirpi kum Uvalde ra diara saura pali kum takan. The New York Times wauhkataya bila, “skul watla kum nina Robb wi ba ra, waitna kum mita tukta nani 19 bara maestra nani 2 ra ikan”.

 Sari sa, kuna baha sât dukia nani ba piua bani takisa. USA Today wauhkataya wi ba baku, Stechi kuntrika ra baman, “1970 manka wina, mani luan ra naha sât trabilka ba mani wala nani ba wal kau ailal kaikan. Skul watla pesnka nani ra aima 249 takan”.

 ¿Dîa muni naha sât diara aihka nani takisa ki? Bara ¿nahki naha trabilka nani mapara bapi buaia sip sa ki? ¿Rau munan lâka yu kum danh takbia bîla kaikaia sip sa ki? Baibil ba ansa wan munisa.

•    Yawan naha piua iwi ba dukiara , Baibil ba wisa “tnata yua nani”. Upla manis “ai uplika nani ra latwan […] kaikbia apia” bara “kupias nani” kabia, rau munan lâka bara diara aihka nani sin tâ baikbia. Naha sât uplika nani ba “ban kau saura taki kabia” (2 Timoti 3:1-5, 13). Kau nu takaia want sma kaka, “¿Predijo la Biblia cómo sería la gente en nuestros días?” ulbanka ba aisi kaiks.

 Upla manis silp makabi walisa, “Skul watla ra pistal ni sabi iki ba baku, ¿trabil aihka saura nani ba dîa muni Gâd alki takaskras?”. Baibil dîa smalki ba kaikaia want sma kaka, “¿Por qué le pasan cosas malas a la gente buena?” ulbanka ba aisi kaiks.

•    “Bamna patitara piua wina dîa dîa Ulbanka ra aisin ba, baha lika yang nani ra ai smalkaia dukiara ulban, […] Ulbanka nani mita wan maisa nihki ba mita, wan kainara diara briaia ba luki kabia” (Roman 15:4).

 Baibil smalkanka nani ba hilp mai munaia sip sa, naha trabilka nani mapara bapi buaia dukiara. ¡Despertad! wauhkataya wina “¿Acabará algún día el terrorismo?” ulbanka ba aisi kaikma kaka, kau tânka nu takaia sip sma.

 Aisa yapti nani ba baha sât sturka nani takisa taim, ¿ai luhpia nani bapi bubia dukiara ani wina smalkanka nani briaia sip sa? “El efecto de las noticias en los niños” ulbanka ba aisi kaiks.

•    “Taibi, saura muni nani ba mihta wina swaki sakan kabia” (Lawana Nani 72:14).

•    “Aiklabaia sordka nani bri ba, baha ni witin nani tasba tukbaika nani paskbia, ai langsika nani ba ni sin ispara nani paskbia. Nisan kum bui nisan wala mapara kli war aiklabaia lukbia apia, war aiklabaia lâka nani sin kli smalkbia apia” (Miqueas 4:3).

 Upla sip daukras dukia nani ba Gâd lika daukbia. Ai Kingka lâka holikira bâk, aiklabaia dukia nani bara rau munan lâka sut âpu daukbia. Gâd Kingka lâka dîa daukbia kau nu takaia want sma kaka, “El Reino de Dios traerá ‘paz en abundancia’” ulbanka ba aisi kaiks.