•    “Stech kuntrika ra upla bakriki baku yakan ai dara walisa wisa. Kau pali wahma tiara nani baku ai dara walisa” (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [2023 manka upla ailal yakan ai dara wali ba dukiara Stech kuntrika ra Upla Wîna Tara Yamnika Dukiara Wark Taki Apiska wina maisa pakanka]).

•   “[OMS asla takanka ba] maisa pakan naha sât trabilka ba upla wîna tara ra ambuk munisa, baha mita upla nani yakan ai dara wali trabilka mapara aiklabaia dukiara dakni kum paskan. Naha daknika ba baku ai dara wali uplika nani ra hilp munbia wala nani wina laihura takbia apia dukiara. Naha daknika warkka ba sika upla nani asla lâka bara pâna lâka ra iwbia kupia bukaia, bara kuntri wala nani umpira lâka ra iwi kabia kra sin, naha trabilka wapnika mangkaia sip kabia dukiara hilp munaia” (Tasba Aiska ra Upla Wîna Tara Yamnika Dukiara Wark Taki Asla Takanka, noviembre kati yua 15, 2023).

 Upla wala nani wal asla lâka bara pâna lâka wal iwi kaia sip kabia dukiara Baibil ba smalkanka painkira nani wankisa.

 Wala nani wina laihura mai saki dukia nani tnaya ra swiaia trai muns. Naha dukia nani tilara sa, Internet yus muni uba taim luaia ba. Baha daukaia watlika ra, wala nani wal kau pana takaia bara aikuki taim luaia sanska maiki dukia nani daukaia trai muns.

•   Tâ baiki Baibil tikska: “Wan uplika piu bani ra latwan wan kaiki ba, wan kupia wirha bri piua ra, wan muihni wal baku sa” (Sins Lâka 17:17).

 Wala nani ra hilpkam yabaia sanska nani pliks. Upla wala nani ra hilp munisa taim wan pânika lâka ba kau karna takisa bara yawan kau lilia wan dara walaia sip sa.

•   Tâ baiki Baibil tikska: “Upla ra diara yaia ba kau yamni sa, briaia ba wal” (Apastil Nani Sturka 20:35).

 Pâna pain nani sakaia dukiara hilp mai muni Baibil tikska wala nani nu takaia want sma kaka, wan Internet pliska ra dimi kaiks.