Јов 24:1-25
24 Зошто не одредил Семоќниот времиња за суд?+Зошто не ги гледаат деновите на неговиот суд оние што го познаваат?+
2 Луѓе поместуваат меѓи,+ограбуваат стада, па ги пасат.
3 На детето без татко му го одведуваат магарето,на вдовицата ѝ го земаат бикот како залог.+
4 Ги туркаат од патот сиромасите,+земните страдалници тогаш се кријат.
5 Гледај, како зебри+ во дивиназаминуваат на работа, барајќи храна.Пустелијата му дава на секого од нив леб за децата.
6 Во полето собираат храна за стоката,набрзина го ограбуваат лозјето на злобниот.
7 Голи се, ноќеваат без облека,+немаат со што да се покријат кога е студено.+
8 Киснат на планинскиот пороен дожд,немаат засолниште,+ па се прилепуваат до карпа.
9 Детето што нема татко го одвојуваат од мајчините гради,+како залог го земаат она што страдалникот го има на себе.+
10 Страдалниците се голи, одат без облека,гладни се, а носат ожнеани класје.+
11 Меѓу камени ѕидови во полето* тие го минуваат пладнето,газат грозје во гмечало, а остануваат жедни.+
12 Од градот се слуша офкањето на оние што умираат,а душите на смртно ранетите викаат за помош,+но на Бог не му е грижа за тоа.+
13 Злите се бунат против светлината,+не ги познаваат нејзините патиштаи не одат по нејзините патеки.
14 В зори станува убиецоти ги убива страдалникот и сиромавиот,+а ноќе е крадец.+
15 Окото на прељубникот+ го чека самракот,+и вели: ‚Ничие око нема да ме види!‘+И со покривало си го крие лицето.
16 Во темница крадците провалуваат во куќите,а дење се заклучуваат.Не знаат за светлината+ на денот.
17 Зашто, за злите уторото е исто како што е густата темнина+ за другите,бидејќи знаат какви се ненадејните стравотии што ги носи густата темнина.
18 Водите брзо ги однесуваат злите.Проклет ќе биде нивниот посед на земјата.+Нема повеќе да одат во своите лозја.
19 Како што сушата и жегата ги голтаат снежните води,така и гробот* ги голта грешниците!+
20 Мајчината утроба ќе го заборави грешникот, црвите слатко ќе го изедат,+никој повеќе нема да се сеќава на него.+А неправдата ќе се скрши како стебло.+
21 Тој гиба неплодна жена, која не раѓа,и вдовица,+ на која не ѝ прави добро.
22 Но Бог ќе ги отстрани насилниците со својата сила.Злосторникот ќе стане и нема да биде сигурен дали ќе остане жив.
23 Бог ќе му допушти да се чувствува сигурен+ и да се потпира на себе,но неговите очи ќе ги посматраат патиштата на злите.+
24 Се креваат за кратко, а потоа ги снемува,+се рушат.+ Окосени се како и сите други,отсечени се како класје.
25 Тогаш, кој ќе ме прогласи за лажливец,или ќе ја претвори мојата реч во ништо?“