Јов 3:1-26
3 Потоа Јов ја отвори устата и почна да го проколнува денот кога се родил.+
2 Јов рече:
3 „Да го немаше денот во кој се родив+и ноќта во која рекоа: ‚Се зачна човек!‘
4 Да се претвори во темнина тој ден!Да не погледне Бог на него одозгора,да не го осветли светлината на денот!
5 Да го проголтаат мракот и густата темнина!Да се надвие над него дождлив облак!Да го застрашува она што го помрачува денот!+
6 Мракот да ја земе таа ноќ,+да не се радува меѓу дните на годината,да не се вброи во месеците!*
7 Бесплодна да биде таа ноќ,да не се чујат во неа радосни извици!+
8 Да го проколнат тој ден оние што проколнуваат денови,кои би го разбудиле и левијатанот!*+
9 Да потемнат ѕвездите на нејзиното разденување,да чека светлина и да не ја дочека,и да не ги види зраците на зората,
10 зашто не ја затвори вратата од утробата+ на мајка мии не ми ја скри неволјата од пред очи!
11 Зошто не умрев уште во утробата на мајка ми?+Зошто не издивнав излегувајќи од нејзината утроба?
12 Зошто ме прифатија коленатаи градите+ за да цицам?
13 Сега ќе лежев и ќе бев во мир,+ќе спиев, ќе почивав+
14 со царевите и со советниците на земјата,+кои градат за себе места,+ сега лежат во урнатини,
15 или со кнезовите што имаа злато,кои ги полнат своите куќи со сребро,
16 или ќе ме немаше како скриен пометнат плод,+како деца што не виделе светлина.+
17 Таму злите престануваат да беснеат,+таму почиваат оние што ги напуштила силата.+
18 Таму сите затвореници се во мир,не го слушаат гласот на оној што ги тера на работа.+
19 Таму малиот и големиот се исти,+робот е слободен од својот господар.
20 Зошто му дава Бог светлина на страдалникоти им дарува живот на оние што имаат горчина во душата?+
21 Зошто чекаат смрт, а неа ја нема,+иако ја бараат повеќе отколку скриено богатство?
22 Оние што ликуваат од веселбасе радуваат што нашле гроб.
23 Зошто му дава Бог светлина на човекот кому патот му е скриен,+кому патот од сите страни му го заградил?+
24 Пред моето јадење, доаѓа мојата воздишка,+и како вода се разлеваат моите крикови,+
25 оти ужасот кој ме плашеше, ме снаоѓа,она од кое се плашев доаѓа врз мене.+
26 Уште сега не сум безгрижен и немам мир,и не почивам, а мојот немир и понатаму доаѓа“.
Фусноти
^ Или: „лунарните месеци“. Спореди го додатокот 14.
^ Изразот најверојатно се однесува на крокодилот или на некое големо морско животно.
