Да учиме од... Езекија

Езекија се наоѓа на крстопат во својот живот. На 25 години станува цар на Јуда. Каков цар ќе биде? Ќе дозволи ли врз него да влијае лошиот пример на татко му, царот Ахаз? Сѐ до својата смрт, Ахаз бил непокајнички отпадник. Се залагал за обожавање на пагански богови, па дури и запалил најмалку еден од браќата на Езекија како жртва на пагански олтар (2. Летописи 28:1-4). Меѓутоа, Езекија не дозволува поради лицемерието на татко му да се разочара од обожавањето на Јехова, ниту пак смета дека му е судено да ги повтори грешките на татко му. Наместо тоа, Езекија ,цврсто се држи за Јехова‘ (2. Царевите 18:6).

Дали некој од твоите родители го исмева обожавањето на Јехова? Дали те навредува или е роб на некоја лоша навика? Ако е така, ти не мора да ги повториш неговите грешки! Езекија не дозволил лошата семејна атмосфера во која пораснал да му го уништи животот. Всушност, тој станал толку добар цар што ‚како него немало друг меѓу сите цареви на Јуда по него‘ (2. Царевите 18:5). Како Езекија, и ти можеш да успееш во животот и покрај тешките семејни околности. Како? ‚Цврсто држи се за Јехова.‘