ЛЕКЦИЈА 15
Кој е Исус?
Исус е еден од најпознатите луѓе во човечката историја. И покрај тоа, освен неговото име, мнозина знаат многу малку за него. Всушност, има најразлични мислења за тоа кој е Исус. Што вели Библијата за него?
1. Кој е Исус?
Исус е моќна духовна личност која живее на небото. Јехова Бог го создал него пред да создаде сѐ друго, и затоа е наречен „првороден од сѐ што е создадено“ (Колошаните 1:15). Освен тоа, Библијата го нарекува Исус „единороден Син“ на Бог, бидејќи само тој бил директно создаден од Јехова (Јован 3:16). Исус и неговиот Татко, Јехова, заедно соработувале додека создавале сѐ друго. (Прочитај Изреки 8:30.) Тој сѐ уште има близок однос со Јехова. Исус верно служи како Божји гласник, односно ги пренесува неговите пораки и упатства. Затоа Библијата го нарекува „Речта“ (Јован 1:14).
2. Зошто Исус дошол на Земјата?
Пред околу 2.000 години, Јехова направил едно чудо. Со својот свет дух, тој го пренел животот на Исус од небото во матката на една девица по име Марија. Така, Исус се родил како човек. (Прочитај Лука 1:34, 35.) Тој дошол на Земјата за да ја исполни улогата на Месија, односно Христос, и да го спаси човештвото. a Сите библиски пророштва во врска со Месијата се исполниле на Исус. Така луѓето можеле јасно да препознаат дека тој е „Христос, Синот на живиот Бог“ (Матеј 16:16).
3. Каде е Исус сега?
Откако умрел, Исус воскреснал и се вратил на небото како духовна личност. Таму Бог го возвишил, односно го поставил на висока положба (Филипјаните 2:9). Денес, Исус има голема моќ — само Јехова има поголема моќ од него.
ДОЗНАЈ ПОВЕЌЕ
Во овој дел ќе дознаеш уште нешто за тоа кој е Исус и зошто е толку важно да учиме за него.
4. Исус не е Семоќниот Бог
Како што видовме, Исус е моќна духовна личност на небото. Сепак, тој му е послушен на својот Бог и Татко, Јехова. Зошто може да го кажеме тоа? Пушти го ВИДЕОКЛИПОТ за да дознаеш што вели Библијата за положбата на Исус во однос на положбата на Бог.
Стиховите што се наведени подолу ни помагаат да сфатиме во каков меѓусебен однос се Јехова и Исус. Прочитајте ги стиховите, а потоа разговарајте за прашањата што следат.
Прочитај Лука 1:30-32.
-
Како од она што го рекол ангелот се гледа дека Исус и Севишниот Бог, Јехова, се две различни личности?
Прочитај Матеј 3:16, 17.
-
Што рекол гласот од небото кога Исус се крстил?
-
Што мислиш, чиј бил тој глас?
Прочитај Јован 14:28.
-
Кога станува збор за татко и син, кој е постар и кој има поголем авторитет?
-
Што учиме од тоа што Исус го нарекол Јехова свој Татко?
Прочитај Јован 12:49.
-
Што мислиш, дали Исус сметал дека тој и неговиот Татко се една иста личност?
5. Што покажува дека Исус бил Месијата
Во Библијата има многу пророштва во врска со Месијата — оној што Бог го избрал да го спаси човештвото. Овие пророштва им помогнале на луѓето да сфатат кој бил Месијата. Пушти го ВИДЕОКЛИПОТ за да дознаеш кои се некои од пророштвата што се исполниле на Исус додека бил на Земјата.
Прочитајте ги овие библиски пророштва, а потоа разговарајте за следниве прашања:
Прочитај Михеј 5:2 за да дознаеш каде требало да се роди Месијата. b
-
Дали тоа пророштво се исполнило на Исус? (Матеј 2:1).
Прочитај Псалм 34:20 и Захарија 12:10 за да дознаеш што прорекла Библијата во врска со смртта на Месијата.
-
Дали овие пророштва се исполниле? (Јован 19:33-37).
-
Што мислиш, дали Исус можел да влијае врз исполнувањето на овие пророштва?
-
На темел на сето ова, до каков заклучок доаѓаш во врска со Исус?
6. Многу ќе ни користи тоа што подобро ќе го запознаеме Исус
Библијата нагласува колку е важно добро да го запознаеме Исус и да сфатиме која е неговата улога. Прочитај Јован 14:6 и 17:3, а потоа разговарајте за ова прашање:
-
Зошто е многу важно да учиме за Исус?
Исус ни го отворил патот за да може да станеме Божји пријатели. Тој поучувал за вистината за Јехова. Благодарение на Исус може да добиеме вечен живот
НЕКОИ ВЕЛАТ: „Јеховините сведоци не веруваат во Исус“.
-
Што би рекол ти?
ШТО НАУЧИ:
Исус е моќна духовна личност. Тој е Божји Син и проречениот Месија.
Како би одговорил?
-
Зошто Исус е наречен „првороден од сѐ што е создадено“?
-
Што правел Исус пред да дојде на Земјата?
-
Од каде знаеме дека Исус е Месијата?
ИСТРАЖУВАЈ
Прочитај нешто повеќе за улогата на Исус како Месија.
„Дали пророштвата во врска со Месијата докажуваат дека Исус е Месијата?“ (Статија на интернет)
Дознај дали тоа што Бог му е Татко на Исус значи дека го добил на ист начин како што луѓето добиваат деца.
Разгледај ги доказите кои покажуваат дека тројството не е библиско учење.
Прочитај како ѝ се променил животот на една жена откако испитала што вели Библијата за Исус.
„Еврејка објаснува зошто решила да ги преиспита своите верувања“ (Разбудете се! од мај 2013)
Можеби ќе те интересира и...
НАЈЧЕСТО ПОСТАВУВАНИ ПРАШАЊА
Како изгледа библискиот курс што го нудат Јеховините сведоци?
За време на бесплатниот интерактивен библиски курс, можеш да го користиш кој и да било превод на Библијата. На курсот можеш да ги поканиш и членовите на твоето семејство или пријателите.
