На 24 јануари 2023 год., научници го поместија часовникот на судниот ден a поблиску до полноќ, што симболично го претставува крајот на светот.

•   „’Часовникот на судниот ден‘, кој ја претставува пропаста на човештвото, беше поместен во вторник и сега е поблиску до полноќ повеќе од кога и да било порано поради војната во Украина, опасноста од нуклеарна војна и последиците од климатските промени“ (AFP International Text Wire).

•   „Во вторник, научници известија дека го поместиле часовникот на 90 секунди пред полноќ — што покажува дека човештвото никогаш не било поблиску до Армагедон“ (ABC News).

•   „Група научници од повеќе земји предупредија дека опстанокот на човештвото никогаш порано не бил во поголема опасност“ (The Guardian).

 Дали се приближува крајот на човештвото и на нашата планета? Дали треба да се плашиме од она што ни го носи иднината? Што вели Библијата?

 Во Библијата пишува дека „земјата останува засекогаш“ и дека ќе има луѓе кои „ќе живеат на неа засекогаш“ (Проповедник 1:4; Псалм 37:29). Значи, луѓето нема да ја уништат Земјата, ниту пак да ја направат нашата планета непогодна за живот.

 Сепак, во Библијата се спомнува крај. На пример, во неа пишува „светот поминува“ (1. Јованово 2:17).

•   За да дознаеш што значи крајот на светот што е спомнат во Библијата, прочитај ја статијата „Што е крајот?“

•   За да дознаеш што вели Библијата во врска со тоа кога ќе се случат некои настани во светот што ни претстојат, прочитај ја статијата „Кога ќе дојде крајот на светот?“

 И покрај моменталните проблеми во светот, Библијата може да ни помогне да останеме позитивни. Како?

•   Библијата ни дава практични совети (2. Тимотеј 3:16, 17). На пример, прочитај ја статијата „Како да се справиш со стресот“ за да видиш како може да ти помогне Библијата да задржиш позитивен став и покрај проблемите во животот.

•   Библијата ни дава сигурна надеж за иднината (Римјаните 15:4). Таа објаснува што точно може да очекуваме сега и во иднина, а тоа ни помага да останеме смирени и покрај она што се случува во светот.

 За да извлечеш најголема корист од Библијата, срдечно те покануваме да го пробаш бесплатниот библиски курс со некој Јеховин сведок уште денес.