Според Светската здравствена организација (СЗО), до 23 мај 2022 год., 6,27 милиони луѓе починале како последица од КОВИД-19. Но, според едно известување до медиумите од 5 мај 2022 год., СЗО проценува дека бројот на смртни случаи е многу поголем. Во него стоеше дека во текот на 2020 и 2021 год., „вкупниот број на смртни случаи директно или индиректно поврзани со пандемијата на КОВИД-19... изнесува околу 14,9 милиони“. Дали во Библијата се зборува за вакви тешки трагедии?

•    Исус прорекол дека ќе има заразни болести, односно епидемии од „смртоносни зарази“, и дека тоа ќе се случува во периодот наречен „последните денови“ (Лука 21:11; 2. Тимотеј 3:1).

 Ова пророштво на Исус се исполнува денес. За да дознаеш повеќе, прочитај ја статијата „Од каде знаеме дека живееме во ’последните денови‘?“

•    „Богот на секоја утеха... нѐ теши во секоја наша неволја“ (2. Коринќаните 1:3, 4).

 Мнозина на кои им починал некој близок нашле утеха во зборовите од Библијата. Дознај нешто повеќе од статиите „Како да ја поднесеш тагата — што можеш да направиш“ и „Најдобрата помош за ужалените“.

•    „Да дојде царството твое. Да биде волјата твоја, како на небото така и на земјата“ (Матеј 6:10).

 Наскоро „Божјето царство“ ќе завладее со Земјата и тогаш „никој од жителите нема да рече: ’Болен сум‘“ (Марко 1:14, 15; Исаија 33:24). За да дознаеш нешто повеќе за оваа небесна влада и што ќе направи таа, гледај го видеоклипот Што е Божјето Царство?

 Зошто не дознаеш нешто повеќе за Библијата? Така ти и твоето семејство ќе можете да извлечете корист од нејзините мудри совети и прекрасни ветувања.