Настан за паметење

КОЈ е овој настан? Тоа е смртта на еден човек кој умрел пред речиси 2.000 години. „Ја предавам својата душа за да ја примам пак,“ рекол тој. „Никој не ја зел од мене, туку јас ја предавам на своја иницијатива“ (Јован 10:17, 18). Тој човек бил Исус Христос.

Тој им дал упатство на своите следбеници да го одбележуваат Меморијалот на неговата жртвена смрт. Овој настан е наречен и „Господовата вечера“ (1. Коринќаните 11:20). Јеховините сведоци и нивните пријатели ќе го одбележат Меморијалот што Исус го воспоставил во спомен на својата смрт во четврток, на 24 март 2005 година, по зајдисонце.

Во едно предавање што ќе се темели на Библијата ќе биде објаснето што значат бесквасниот леб и црвеното вино што се користат за тој настан (Матеј 26:26–28). Исто така, во ова предавање ќе бидат одговорени и следниве прашања: Колку често треба христијаните да го одбележуваат овој настан? Кој треба со право да зема од лебот и виното? Кој извлекува корист од смртта на Исус? Овој важен настан ќе им помогне на сите да сфатат зошто живеел и зошто умрел Исус.

Срдечно сте поканети на Меморијалот на Исусовата смрт. Ве молиме прашајте ги Јеховините сведоци во вашата околина каде и кога точно ќе се одржи овој настан.