Поучете ги своите деца

Тајна што можеш да им ја кажеш на другите

ДАЛИ некогаш си чул некоја тајна?— a Јас сакам да ти кажам една. Во Библијата е наречена „светата тајна која долго време беше скриена“ (Римјаните 16:25). Во почетокот само Бог ја знаел таа ‚света тајна‘. Да видиме што направил за да ја дознаат и многу други.

Прво да те прашам нешто. Дали знаеш што значи зборот „свето“?— Тој збор означува нешто чисто, нешто навистина посебно. Значи, тајната е света затоа што е од Бог, кој исто така е свет. Што мислиш, кој сакал да ја дознае оваа посебна тајна?— Ангелите. Библијата вели: „Во тоа и ангелите сакаат да ѕирнат“. Да, тие сакале да ја разберат таа света тајна (1. Петрово 1:12).

Кога Исус дошол на Земјата, зборувал за светата тајна и почнал да ја разјаснува. Им рекол на своите ученици: „Вам ви е дадено да ја разберете светата тајна на Божјето царство“ (Марко 4:11). Забележа ли со што била поврзана таа света тајна?— Била поврзана со Божјето Царство, за кое Исус нѐ поучил да се молиме! (Матеј 6:9, 10).

Да видиме во која смисла Божјето Царство било тајна „долго време“, сѐ додека Исус не дошол на Земјата и не почнал да ја разоткрива. Откако Адам и Ева го прекршиле Божјиот закон и биле истерани од еденската градина, на Божјите слуги им било откриено дека еден ден Бог сепак ќе ја претвори целата Земја во рај (1. Мојсеева 1:26-28; 2:8, 9; Исаија 45:18). Тие опишале колку ќе бидат среќни луѓето на Земјата кога ќе владее Божјето Царство (Псалм 37:11, 29; Исаија 11:6-9; 25:8; 33:24; 65:21-24).

Сега размисли за Владетелот на тоа Царство. Знаеш ли кого Бог го избрал за Владетел?— Својот син Исус Христос, кој е „Кнез на Мирот“. „На рамото ќе има кнежевска власт“, пишува во Библијата (Исаија 9:6, 7). Ти и јас мора ‚добро да ја запознаеме Божјата света тајна: Христос‘ (Колошаните 2:2). Треба да знаеме дека Бог го пренел во Марија животот на првиот ангел (духовен Син) што го создал. Тој Син, кој бил моќен ангел, е оној што Бог го испратил на Земјата како жртва за да можеме да добиеме вечен живот (Матеј 20:28; Јован 3:16; 17:3).

Значи, Бог го избрал Исус да биде Владетел на Божјето Царство. Но, за оваа света тајна треба да дознаеме уште многу други работи. Една од нив е дека заедно со воскреснатиот Исус од небото ќе владеат и други лица,  како мажи така и жени (Ефешаните 1:8-12).

Да ги дознаеме имињата на некои од оние што ќе владеат со Исус. Тој им рекол на своите верни апостоли дека ќе оди на небото за да им подготви место (Јован 14:2, 3). Најди ги во Библијата следниве стихови, во кои ќе ги прочиташ имињата на некои мажи и жени што ќе владеат заедно со Исус во Царството на неговиот Татко (Матеј 10:2-4; Марко 15:39-41; Јован 19:25).

Долго време не било познато колку лица ќе владеат со Исус во Божјето небесно Царство. Но, денес знаеме колкав ќе биде нивниот број. Дали знаеш и ти?— Библијата ни открива дека тоа се 144.000 лица. И ова спаѓа во светата тајна (Откровение 14:1, 4).

Се согласуваш ли дека „светата тајна на Божјето царство“ е најубавата тајна што некој може да ја дознае?— Ако да, ајде да откриеме сѐ што можеме за неа за да им ја кажеме и на колку што е можно повеќе луѓе.

[Фуснота]

ПРАШАЊА:

▪ Како се нарекува тајната за која зборувавме, и зошто е наречена така?

▪ Која е таа тајна, и кој прв почнал да им кажува на луѓето за неа?

▪ Што дозна во врска со таа тајна?

▪ Како би можел да му ја објасниш светата тајна на некое твое другарче?

[Слика на страница 31]

Што мислиш, која работа сакале да ја дознаат ангелите?