Јаков знаел дека Јехова заслужува луѓето да му бидат оддадени само нему иако сѐ уште немало закон кој го забранувал идолопоклонството (2Мо 20:3-5). Затоа, откако Јехова му заповедал да се врати во Ветил, Јаков им кажал на своите домашни да ги отстранат идолите. Потоа тој ги фрлил сите идоли, вклучувајќи ги и обетките кои веројатно се носеле како амајлии (1Мо 35:1-4). Јехова сигурно многу се радувал што Јаков го направил тоа.

Како денес можеме да му бидеме оддадени само на Јехова? Една важна работа е да немаме контакт со ништо што е поврзано со идолопоклонство или спиритизам. Ова значи дека треба да ги отстраниме сите предмети поврзани со окултизам и внимателно да размислиме за нашата забава. На пример, прашај се: „Дали сакам да читам книги или да гледам филмови во кои се прикажуваат вампири, зомбија или други натприродни работи? Дали во нив магиите, клетвите или уроците се прикажани како безопасна забава?“ Треба да се држиме настрана од сето она што Јехова го мрази (Пс 97:10).

ГЛЕДАЈ ГО ВИДЕОКЛИПОТ „СПРОТИВСТАВЕТЕ МУ СЕ НА ЃАВОЛОТ“, КОЈ СЕ ТЕМЕЛИ НА ЗАМИСЛЕНО СЦЕНАРИО, А ПОТОА ОДГОВОРИ ГИ СЛЕДНИВЕ ПРАШАЊА:

• Со каков проблем се соочи една интересентка по име Палеса?

• Зошто е мудро да се побара помош од старешините ако некој има проблем поврзан со спиритизам?

• Од што треба потполно да се ослободиме ако сакаме Јехова да нѐ штити?

• Кои одлучни чекори ги презеде Палеса?

• Како можеш да се заштитиш од влијанието на демоните?