Во различни периоди низ историјата имало ситуации кога световните власти дејствувале во корист на Јеховиниот народ (Езр 6:1-12; Ес 8:10-13). Дури и во нашево време, можеме да видиме како „земјата“ — некои поразумни поединци и групи кои имаат одредено влијание во сегашниов свет — ја проголтува „реката“ од противење зад која стои змејот, односно Сатана Ѓаволот (От 12:16). Јехова, Богот „кој спасува“, понекогаш ги поттикнува човечките владетели да направат нешто во корист на неговиот народ (Пс 68:20; Из 21:1).

А што ако ти си во затвор поради твојата вера? Никогаш не заборавај дека Јехова нема да те остави (1Мо 39:21-23; Пс 105:17-20). Биди уверен дека тој ќе те награди за твојата вера и дека браќата и сестрите низ целиот свет се охрабруваат од твојата верност (Фп 1:12-14; От 2:10).

ГЛЕДАЈ ГО ВИДЕОКЛИПОТ БРАЌАТА ОД ЈУЖНА КОРЕЈА СЕ ПУШТЕНИ ОД ЗАТВОР, А ПОТОА ОДГОВОРИ ГИ СЛЕДНИВЕ ПРАШАЊА:

• Зошто низ годините во Јужна Кореја беа затворени илјадници браќа?

• Благодарение на кои судски пресуди некои браќа беа предвреме пуштени на слобода?

• Како можеме да им помогнеме на нашите браќа кои моментално се затворени поради својата вера?

• Како треба да ја користиме слободата што сега ја имаме?

• Кој пред сѐ е заслужен за нашите правни победи?