Колку долго чекаш да дојде Божјето Царство? Дали стрпливо истрајуваш и покрај тешкотиите? (Ри 8:25). Некои христијани се соочуваат со омраза, малтретирање, затворски казни, па дури и животот им е во опасност. Многу други се борат со здравствени проблеми, старост и слично.

Што ќе ни помогне да бидеме истрајни додека минуваме низ тежок период? Мора да си ја зајакнуваме верата така што секој ден ќе ја читаме Библијата и длабоко ќе размислуваме за она што сме го прочитале. Мора да мислиме на нашата надеж (2Ко 4:16-18; Ев 12:2). Исто така, мора сесрдно да го молиме Јехова да ни го дава својот моќен свет дух (Лк 11:10, 13; Ев 5:7). Нашиот мил Татко ќе ни помогне да истраеме и да бидеме „долготрпеливи со радост“ (Кол 1:11).

ГЛЕДАЈ ГО ВИДЕОКЛИПОТ „СО ИСТРАЈНОСТ ДА ЈА ТРЧАМЕ ТРКАТА“ — БИДИ УВЕРЕН ДЕКА ЌЕ ЈА ОСВОИШ НАГРАДАТА, А ПОТОА ОДГОВОРИ ГИ СЛЕДНИВЕ ПРАШАЊА:

• Какви непредвидени настани можат да нѐ снајдат во животот? (Про 9:11)

• Како ни помага молитвата кога се соочуваме со неволји?

• Ако во службата за Јехова повеќе не можеме да правиме онолку колку што сме правеле порано, зошто е важно да се концентрираме на она што сѐ уште можеме да го правиме?

• Што ти помага да останеш уверен дека ќе ја освоиш наградата?