Во Проповедта на гората Исус рекол: „Престанете да се грижите за својот живот“ (Мт 6:25, фус.). Бидејќи сме несовршени и живееме во свет со кој владее Сатана, нормално е понекогаш да бидеме загрижени. Но, Исус ги поучил своите ученици да не бидат претерано загрижени (Из 12:25). Зошто? Па, ако сме претерано загрижени, дури и за основните потреби, може да ни биде одвлечено вниманието и да ни биде потешко да го ставиме Царството на прво место (Мт 6:33). Она што Исус понатаму им го кажал на учениците може да ни помогне да не бидеме претерано загрижени.

• Мт 6:26 — Што може да научиме од птиците? (w16.07 стр. 9-10, пас. 11-13)

• Мт 6:27 — Зошто може да се каже дека, ако сме претерано загрижени, само ќе си ги трошиме времето и силата? (w05 1/11 стр. 22, пас. 5)

• Мт 6:28-30 — Каква поука може да извлечеме од полските кринови? (w16.07 стр. 10-11, пас. 15-16)

• Мт 6:31, 32 — Во кој поглед христијаните се поинакви од другите луѓе? (w16.07 стр. 11, пас. 17)

За кои работи сакаш да престанеш да се грижиш?