Замисли си дека живееш во Галилеја во времето на Исус. Си дошол од далеку за да присуствуваш на Празникот на сениците во Ерусалим. Градот е преполн со луѓе кои дошле од далечни места за овој празник. Подготвен си да му принесеш дар на Јехова. Со себе носиш коза и едвај успеваш да се пробиеш низ преполните улици кои водат до храмот. Стигнуваш до храмот и гледаш толку многу луѓе кои чекаат да го принесат својот дар. Конечно дојде и твојот ред да им го предадеш дарот на свештениците. Но во тој момент ти прелетува мислата дека твојот брат, кој можеби е во твоја близина или некаде во градот, има нешто против тебе. Исус објаснил како треба да постапиш во ваква ситуација. (Прочитај Матеј 5:24.) Во склад со зборовите на Исус, што треба да направите ти и твојот брат за да се помирите? Во рамките подолу, штиклирај што е исправно.

ТИ ТРЕБА...

• да зборуваш со братот само ако мислиш дека има добра причина да биде лут

• да пробаш да го исправиш братот ако сметаш дека е пречувствителен или дека ти префрла дел од вината и тебе

• внимателно да го ислушаш додека тој објаснува како се чувствува, дури и ако потполно не го разбираш, и од срце да му се извиниш што си предизвикал да се чувствува лошо или затоа што ненамерно си го повредил

ТОЈ ТРЕБА...

• да им кажува на другите од собранието колку си му згрешил за тие да застанат на негова страна

• да ти се развика и да ти образложи до најситен детаљ каде си згрешил и да те натера да признаеш дека ти си крив

• да биде свесен колку голема понизност и храброст ти биле потребни за да му пристапиш, и од срце да ти прости

Иако денес не принесуваме животински жртви, од она што го кажал Исус, како нашиот однос со браќата влијае врз нашата служба за Бог?