Како што овој свет се ближи кон својот крај, очекуваме да има сѐ повеќе граѓански немири, тероризам и војни (От 6:4). Како може да се подготвиме за она што ќе следи во иднина?

• Подготви се во духовен поглед: Барај библиски начела и извештаи кои ќе ти ја зајакнат довербата во Јехова и во неговата организација и ќе ти помогнат да останеш неутрален (Из 12:5; jr 125-126, пас. 23-24). Сега е време да си ги зајакнеме пријателствата со браќата и сестрите (1Пе 4:7, 8).

• Подготви се во физички поглед: Направи си план каде би се засолнил ако не можеш да го напуштиш домот и обезбеди си разумни резерви од храна и од други неопходни работи. Направи си и план за евакуација. Провери го својот ранец за итни случаи, и стави во него пари и опрема за лична заштита, како што се ракавици и маски. Имај план како да стапиш во контакт со старешините, а погрижи се и тие да знаат како да стапат во контакт со тебе (Иса 32:2; g17.5 3-7).

За време на немири, продолжи со редовните духовни активности (Фп 1:10). Остани таму каде што си, освен ако треба да се евакуираш (Мт 10:16). Дели ја храната со другите, како и некои други неопходни работи (Ри 12:13).

ГЛЕДАЈ ГО ВИДЕОКЛИПОТ ДАЛИ СИ ПОДГОТВЕН ВО СЛУЧАЈ НА ПРИРОДНА КАТАСТРОФА?, А ПОТОА ОДГОВОРИ ГИ СЛЕДНИВЕ ПРАШАЊА:

• Како може Јехова да ни помогне во случај на катастрофа?

• Што можеме да направиме за да бидеме подготвени?

• Како можеме да им помогнеме на други кои се погодени од некоја катастрофа?