Состаноците за проповедање, како и сите други собраниски состаноци, се дар од Јехова кој ни помага да се поттикнуваме кон љубов и кон добри дела (Ев 10:24, 25). Тие треба да траат од пет до седум минути, во кои е вклучено да се организираат групите, да се доделат подрачја и да се каже молитва. (Состанокот за проповедање треба да трае уште пократко доколку пред него имало друг состанок.) Оној што го води состанокот треба да подготви нешто што ќе им биде практично на браќата и сестрите кои ќе одат во служба тој ден. На пример, на состаноците во сабота би можело да се зборува за тоа како да започнеме разговор со луѓето. Ова може да им биде од корист на присутните бидејќи мнозина од нив не учествувале во службата од претходниот викенд. Еве некои други работи за кои би било корисно да се зборува:

• Некој од предлозите за разговор од Нашиот живот и служба како христијани — работни листови

• Како да започнеме разговор на темел на некој неодамнешен настан или на некоја информација од вестите

• Како да надминеме некој вообичаен приговор

• Како да зборуваме со атеист, со еволуционист, со некој што зборува друг јазик или со некој што припаѓа на религија која не е вообичаена за нашето подрачје

• Како да користиме некои содржини или обележја на интернет-страницата jw.org, на апликацијата JW Library^® или на Библијата

• Како да користиме некоја од нашите главни публикации за служба

• Како да учествуваме во некоја конкретна гранка од службата како, на пример, сведочење преку телефон, пишување писма, сведочење на јавни места, повторни посети или библиски курсеви

• Потсетувања во врска со безбедноста, прилагодливоста, добрите манири, позитивниот став или нешто слично

• Некоја лекција или видеоклип од брошурата Посвети се на читањето и поучувањето

• Како да го охрабриме и да му помогнеме на нашиот соработник во службата

• Некој стих или некое охрабрувачко искуство кои се поврзани со службата