Библијата прорекла дека во последните денови ќе има смртоносни зарази, во што спаѓаат и пандемиите (Лука 21:11). Ваквите пандемии не се казна од Бог. Напротив, преку своето Царство, Бог наскоро ќе им стави крај на сите болести.

•  Дали пандемиите се проречени во Библијата?

•  Дали Бог некогаш ги казнувал луѓето со болест?

•  Дали денешните пандемии се казна од Бог?

•  Ќе дојде ли време кога ќе нема пандемии?

•  Библиски стихови во кои се зборува за болести

 Во Библијата не се проречени конкретни пандемии или болести, како што се КОВИД-19, СИДА, или шпански грип. Но, во неа е проречено дека ќе има „смртоносни зарази“ и „помор“ (Лука 21:11; Откровение 6:8). Овие работи се дел од знакот за „последните денови“, период кој е наречен и „свршетокот на овој поредок“ (2. Тимотеј 3:1; Матеј 24:3).

 Во Библијата се запишани неколку прилики кога Бог казнил некои луѓе со болест. На пример, предизвикал на некои луѓе да им се појави лепра (4. Мојсеева 12:1-16; 2. Царевите 5:20-27; 2. Летописи 26:16-21). Сепак, во овие прилики болеста не се проширила на голем број невини луѓе. Напротив, тоа било казна од Бог врз поединци кои дрско се побуниле против него.

 Не. Иако некои тврдат дека Бог ги казнува луѓето со пандемии или други болести, Библијата не го потврдува таквото гледиште. Зошто може да го кажеме ова?

 Прво, се разболуваат и Божји слуги. Тоа се случува денес, а се случувало и во минатото. На пример, Библијата вели дека верниот Тимотеј често се разболувал (1. Тимотеј 5:23). Сепак, таа не кажува дека тоа било знак дека тој не му е по волја на Бог. И денес некои верни Божји слуги се разболуваат или се заразуваат. Честопати причината за тоа е бидејќи се нашле на погрешно место во погрешно време (Проповедник 9:11).

 Второ, Библијата ни кажува дека сѐ уште не е дојдено времето кога Бог ќе ги казни злобните. Наместо тоа, сега е „денот на спасението“, односно сега Бог ги повикува сите луѓе да станат блиски со него и да се спасат (2. Коринќаните 6:2). Еден начин на кој го прави тоа е така што добрата вест за Царството се проповеда низ целиот свет (Матеј 24:14).

 Да. Библијата прорекла дека ќе дојде време кога никој нема да е болен. Кога Божјето Царство ќе почне да владее со Земјата, Бог ќе им стави крај на сите болести (Исаија 33:24; 35:5, 6). Тој ќе им стави крај на страдањата, болките и смртта (Откровение 21:4). Освен тоа, ќе ги воскресне оние што починале. Тогаш тие ќе имаат добро здравје и ќе живеат во совршени услови на Земјата (Псалм 37:29; Дела 24:15).

 Откровение 6:8: „Гледај — блед коњ и на него јавач, чие име беше Смрт, а по него одеше гробот. И им беше дадена власт... да убиваат... со помор“.

 Што значи ова: Пророштвото за четирите јавачи на апокалипсата покажува дека во наше време ќе има пандемии.