Библијата отсекогаш била единствениот темел за сите наши верувања. Според тоа, кога ќе смениме некое наше верување, тоа го правиме бидејќи подобро сме ја разбрале Библијата. a

 Таквите промени се во склад со библиското начело од Изреки 4:18, каде што стои: „Патеката на праведниците е како блескава светлина, која свети сѐ посилно додека сосема не се раздени“. Исто како што светлината од изгрејсонцето постепено открива сѐ повеќе детали за околината, така и Бог постепено ни ги открива библиските вистини, во времето кога тој мисли дека е најдобро (1. Петрово 1:10-12). Во Библијата е проречено дека особено во „времето на крајот“ Бог ќе им помага на своите слуги подобро да ја разберат Библијата (Даниел 12:4).

 Ваквите промени во нашето разбирање не треба да нѐ изненадат или вознемират. И Божјите слуги од минатото понекогаш требало да си го сменат гледиштето затоа што погрешно разбирале некои работи или имале погрешни очекувања.

•   Мојсеј сакал да го спаси израелскиот народ 40 години пред времето што го одредил Бог (Дела 7:23-25, 30, 35).

•   Апостолите не го сфатиле пророштвото дека Месијата требало да умре и да воскресне (Исаија 53:8-12; Матеј 16:21-23).

•   Некои од првите христијани имале погрешно мислење за тоа кога ќе дојде „Јеховиниот ден“ (2. Солуњаните 2:1, 2).

 Подоцна Бог им помогнал исправно да ги сфатат работите, а ние се молиме да продолжи да го прави тоа и за нас (Јаков 1:5).