ബൈബിൾ വായി​ക്കു​ന്ന​തി​നും പഠിക്കു​ന്ന​തി​നും വേണ്ടി​യാണ്‌ പ്രധാ​ന​മാ​യും JW ലൈ​ബ്ര​റി.

ബൈബി​ളു​കൾ ഡൗൺലോഡ്‌ ചെയ്‌ത്‌ ഉപയോ​ഗി​ക്കാ​നാ​യി പിൻവരുന്ന നിർദേശങ്ങൾ പാലി​ക്കു​ക:

•  ബൈബിൾ ഡൗൺലോഡ്‌ ചെയ്യാൻ

•  ബൈബിൾ നീക്കം ചെയ്യാൻ

•  ബൈബിൾ പുതുക്കാൻ

ബൈബിൾഭാഷാന്തരങ്ങൾ ഡൗൺലോഡ്‌ ചെയ്‌തിട്ടുണ്ടെങ്കിൽ ഇന്റർനെറ്റ്‌ സൗകര്യം ഇല്ലാത്ത​പ്പോ​ഴും അത്‌ വായി​ക്കു​ക​യും പഠിക്കു​ക​യും ചെയ്യാം.

• ഇനവി​വ​ര​പ്പ​ട്ടി​ക തുറന്ന്‌ ബൈബിൾ തിരഞ്ഞെടുത്താൽ ബൈബിൾപുസ്‌തകങ്ങളുടെ ഒരു പട്ടിക കാണാം.

• ഏതെല്ലാം ബൈബിളുകൾ ലഭ്യമാ​ണെന്ന്‌ അറിയാൻ ഭാഷ ബട്ടണിൽ തൊടുക. നിങ്ങൾ മിക്ക​പ്പോ​ഴും ഉപയോ​ഗി​ക്കു​ന്ന ഭാഷാ​ന്ത​ര​ങ്ങ​ളാ​യി​രി​ക്കും പട്ടികയിൽ ആദ്യം വരുന്നത്‌. നിങ്ങൾക്ക്‌ ആവശ്യ​മു​ള്ള ഭാഷയോ ഭാഷാ​ന്ത​ര​ത്തി​ന്റെ പേരോ ടൈപ്പ്‌ ചെയ്യുക. ഉദാഹ​ര​ണ​ത്തിന്‌, “int” എന്നു ടൈപ്പ്‌ ചെയ്‌താൽ ഇംഗ്ലീ​ഷി​ലു​ള്ള കിങ്‌ഡം ഇന്റർലീനിയർ കാണാം. ഇനി “port” എന്നാണെങ്കിൽ പോർച്ചുഗീസിലുള്ള എല്ലാ ബൈബി​ളു​ക​ളും.

• ഇതുവരെ ഡൗൺലോഡ്‌ ചെയ്‌തി​ട്ടി​ല്ലാ​ത്ത ബൈബിളുകൾ മേഘത്തി​ന്റെ ചിഹ്നത്തിൽ കാണാം. ആ ചിഹ്നത്തിൽ തൊട്ടാൽ അത്‌ ഡൗൺലോഡ്‌ ആകും. ബൈബിൾ ഡൗൺലോഡ്‌ ചെയ്‌തുകഴിഞ്ഞാൽ മേഘത്തി​ന്റെ ചിഹ്നം അപ്രത്യ​ക്ഷ​മാ​കും. പിന്നെ അതിൽ തൊട്ടാൽ ബൈബിൾ വായി​ക്കാ​നാ​കും.

നിങ്ങൾക്ക്‌ ആവശ്യ​മു​ള്ള ഭാഷാ​ന്ത​രം ലഭ്യമല്ലെങ്കിൽ പിന്നീട്‌ നോക്കുക. അവ ലഭ്യമാ​കു​ന്ന​ത​നു​സ​രിച്ച്‌ പട്ടിക​യോ​ടൊ​പ്പം ചേർക്കുന്നതാണ്‌.

ഏതെങ്കി​ലും ഒരു ബൈബിൾഭാഷാന്തരം ആവശ്യ​മി​ല്ലെ​ങ്കി​ലോ ഉപകര​ണ​ത്തി​ന്റെ മെമ്മറി കൂട്ടണ​മെ​ങ്കി​ലോ നിങ്ങൾക്ക്‌ അതു നീക്കം ചെയ്യാം.

അതിനാ​യി ഇനവി​വ​ര​പ്പ​ട്ടി​ക തുറന്ന്‌ ബൈബിൾ തിര​ഞ്ഞെ​ടു​ക്കു​ക. എന്നിട്ട്‌ ഭാഷ ബട്ടൺ തൊടുക, അപ്പോൾ ബൈബിൾപുസ്‌തകങ്ങളുടെ ഒരു പട്ടിക കാണാം. തുടർന്ന്‌ നീക്കം ചെയ്യാൻ ആഗ്രഹി​ക്കു​ന്ന ബൈബി​ളി​ന്റെ, വലതു​വ​ശ​ത്താ​യി കൊടു​ത്തി​ട്ടു​ള്ള കൂടു​ത​ലാ​യി എന്ന ബട്ടണിൽ തൊടുക. എന്നിട്ട്‌ നീക്കം ചെയ്യുക എന്നതിൽ അമർത്തുക.

നിങ്ങൾ ഡൗൺലോഡ്‌ ചെയ്‌ത ബൈബിൾ ഒരുപക്ഷേ പുതു​ക്കി​യി​ട്ടു​ണ്ടാ​കാം.