ഇന്നല്ലെ​ങ്കിൽ നാളെ നിങ്ങളു​ടെ കുട്ടികൾ തോൽവി​യോ തിരി​ച്ച​ടി​യോ നേരി​ട്ടേ​ക്കാം. അതു മറിക​ട​ക്കാൻ അവരെ എങ്ങനെ സഹായി​ക്കാം?

•  നിങ്ങൾ അറിഞ്ഞി​രി​ക്കേ​ണ്ടത്‌

•  നിങ്ങൾക്കു ചെയ്യാ​നാ​കു​ന്നത്‌

 തോൽവി ജീവി​ത​ത്തി​ന്റെ ഭാഗമാണ്‌. ബൈബിൾ പറയു​ന്നത്‌, ‘നമ്മളെ​ല്ലാം പലതി​ലും തെറ്റി​പ്പോ​കു​ന്നു’എന്നാണ്‌. (യാക്കോബ്‌ 3:2) കുട്ടി​കൾക്കും തെറ്റു​പ​റ്റും. എന്നാൽ അതിൽനിന്ന്‌ പഠിക്കാൻ കഴിയുന്ന ചില കാര്യ​ങ്ങ​ളും ഉണ്ട്‌. കുട്ടി​യു​ടെ മനക്കട്ടി കൂട്ടാൻ അതു സഹായി​ക്കും. എല്ലാവർക്കും ജന്മനാ കിട്ടു​ന്നതല്ല ഈ കഴിവ്‌. എന്നാൽ അതു വളർത്തി​യെ​ടു​ക്കാൻ പറ്റും. “തോൽവി സംഭവി​ച്ചി​ട്ടി​ല്ലെന്നു നടിക്കു​ന്ന​തി​നേ​ക്കാൾ നല്ലതു തോൽവി​യെ നേരി​ടാൻ കുട്ടി പഠിക്കു​ന്ന​താണ്‌ എന്ന കാര്യം ഞാനും ഭർത്താ​വും മനസ്സി​ലാ​ക്കി” എന്ന്‌ ലോറ എന്നു പേരുള്ള ഒരു അമ്മ പറയുന്നു. ലോറ ഇങ്ങനെ​യും പറഞ്ഞു: “വിചാ​രി​ച്ച​തു​പോ​ലെ കാര്യങ്ങൾ നടന്നി​ല്ലെ​ങ്കിൽ അതുമാ​യി എങ്ങനെ ഒത്തു​പോ​കാ​മെന്ന്‌ പഠിക്കാൻ അവർക്കു കഴിയും.”

 പല കുട്ടി​ക​ളും തോൽവി നേരി​ടാൻ പഠിച്ചി​ട്ടില്ല. ചില കുട്ടികൾ തോൽവി​യെ നേരി​ടാൻ പഠിച്ചി​ട്ടില്ല. കാരണം, എന്തു വന്നാലും മാതാ​പി​താ​ക്കൾ അവരെ സംരക്ഷി​ക്കും. ഉദാഹ​രണം പറഞ്ഞാൽ, കുട്ടിക്കു പരീക്ഷ​യ്‌ക്കു മാർക്കു കുറവാ​ണെ​ങ്കിൽ ചില മാതാ​പി​താ​ക്കൾ ഉടനെ ടീച്ചറെ കുറ്റ​പ്പെ​ടു​ത്തും. ഇനി, മറ്റൊരു കുട്ടി​യു​മാ​യി എന്തെങ്കി​ലും പ്രശ്‌ന​മു​ണ്ടാ​ക്കി​യാൽ അപ്പോൾ ആ കുട്ടിയെ കുറ്റ​പ്പെ​ടു​ത്തും.

 മാതാ​പി​താ​ക്കൾ എപ്പോ​ഴും കുട്ടികൾ വരുത്തിയ തെറ്റിന്റെ പരിണ​ത​ഫ​ല​ത്തിൽനിന്ന്‌ അവരെ സംരക്ഷി​ച്ചു​കൊ​ണ്ടേ​യി​രു​ന്നാൽ അവർ എങ്ങനെ തെറ്റിന്റെ ഗൗരവ​ത്തെ​ക്കു​റിച്ച്‌ മനസ്സി​ലാ​ക്കി പ്രശ്‌നം പരിഹ​രി​ക്കാൻ പഠിക്കും?

•   പ്രവൃ​ത്തി​കൾക്കു പരിണ​ത​ഫ​ലങ്ങൾ ഉണ്ടാകു​മെന്നു കുട്ടി​കളെ പഠിപ്പി​ക്കുക.

   ബൈബിൾ പറയുന്നു: “വഴി​തെ​റ്റി​ക്ക​പ്പെ​ട​രുത്‌: ദൈവത്തെ പറ്റിക്കാ​നാ​കില്ല. ഒരാൾ വിതയ്‌ക്കു​ന്ന​തു​തന്നെ കൊയ്യും.”—ഗലാത്യർ 6:7.

   ഒരാൾ ചെയ്യുന്ന കാര്യ​ത്തിന്‌ അതിന്റെ ഫലം അനുഭ​വി​ക്കേണ്ടി വരും. കേടു​വ​രു​ത്തി​യാൽ നന്നാക്കാൻ ചിലവു​വ​രും. തെറ്റു​കൾക്കു അനന്തര​ഫ​ലങ്ങൾ ഉണ്ടാകും. ചെയ്യുന്ന കാര്യ​ങ്ങൾക്കൊ​ക്കെ അതി​ന്റേ​തായ ഫലം ഉണ്ടാകു​മെന്ന സത്യം കുട്ടികൾ മനസ്സി​ലാ​ക്കണം. അവർ ഉൾപ്പെട്ട കാര്യ​ങ്ങ​ളിൽ അവരുടെ ഉത്തരവാ​ദി​ത്വം മനസ്സി​ലാ​ക്കാൻ അവരെ പഠിപ്പി​ക്കണം. അതു​കൊണ്ട്‌ കുട്ടി​കളെ രക്ഷിക്കാൻ മറ്റുള്ള​വരെ പഴിചാ​രു​ന്ന​തും മുടന്തൻ ന്യായങ്ങൾ കണ്ടെത്തു​ന്ന​തും ഒഴിവാ​ക്കുക. പകരം, കുട്ടി​യു​ടെ പ്രായ​ത്തി​ന​നു​സ​രിച്ച്‌ അവൻ ചെയ്‌ത കാര്യ​ത്തി​ന്റെ അനന്തര​ഫലം അവൻതന്നെ അനുഭ​വി​ക്കാൻ അനുവ​ദി​ക്കുക. അങ്ങനെ​യാ​കു​മ്പോൾ തെറ്റായ പ്രവർത്ത​ന​ങ്ങ​ളെ​യും അതിന്റെ അനന്തര​ഫ​ല​ങ്ങ​ളെ​യും കുറിച്ച്‌ വ്യക്തമായ ഒരു കാഴ്‌ച​പ്പാട്‌ കുട്ടിക്കു ലഭിക്കും.

•   പ്രശ്‌നം പരിഹ​രി​ക്കാൻ കുട്ടിയെ സഹായി​ക്കുക.

   ബൈബിൾത​ത്ത്വം: “നീതി​മാൻ ഏഴു പ്രാവ​ശ്യം വീണാ​ലും എഴു​ന്നേൽക്കും.”—സുഭാ​ഷി​തങ്ങൾ 24:16.

   തോൽവി നമ്മളെ വിഷമി​പ്പി​ക്കു​മെ​ന്നതു ശരിയാണ്‌. എന്നാൽ അതോടെ ലോകം അവസാ​നി​ക്കാ​നൊ​ന്നും പോകു​ന്നില്ല. സംഭവിച്ച തെറ്റിന്റെ ന്യായാ​ന്യാ​യ​ങ്ങ​ളെ​ക്കു​റിച്ച്‌ സംസാ​രി​ച്ചി​രി​ക്കു​ന്ന​തി​നു പകരം അടുത്ത പ്രാവ​ശ്യം എങ്ങനെ തോൽക്കാ​തി​രി​ക്കാം എന്നതിൽ ശ്രദ്ധി​ക്കാൻ കുട്ടിയെ സഹായി​ക്കുക. ഉദാഹ​ര​ണ​ത്തിന്‌, കുട്ടി പരീക്ഷ​യ്‌ക്കു തോറ്റാൽ അടുത്ത പ്രാവ​ശ്യം എങ്ങനെ നന്നായി പഠിച്ച്‌ മാർക്കു വാങ്ങി​ക്കാം എന്നു പറഞ്ഞു​കൊ​ടു​ക്കുക. (സുഭാ​ഷി​തങ്ങൾ 20:4) നിങ്ങളു​ടെ മകൾക്കു കൂട്ടു​കാ​രി​യു​മാ​യി എന്തെങ്കി​ലും പ്രശ്‌ന​മു​ണ്ടെന്നു വിചാ​രി​ക്കുക. ആ പ്രശ്‌ന​ത്തി​നു കാരണ​ക്കാ​രി ആരായി​രു​ന്നാ​ലും, പ്രശ്‌നം പരിഹ​രി​ക്കു​ന്ന​തി​നു മുൻ​കൈ​യെ​ടു​ക്കാൻ മകളോ​ടു പറയുക.—റോമർ 12:18; 2 തിമൊ​ഥെ​യൊസ്‌ 2:24.

•   താഴ്‌മ കാണി​ക്കാൻ കുട്ടിയെ പഠിപ്പി​ക്കുക.

   ബൈബിൾത​ത്ത്വം: “നിങ്ങൾ നിങ്ങ​ളെ​ക്കു​റി​ച്ചു​തന്നെ വേണ്ടതി​ല​ധി​കം ചിന്തി​ക്ക​രുത്‌.”—റോമർ 12:3.

   നമ്മൾ മോ​നോ​ടോ മോ​ളോ​ടോ “എല്ലാവ​രെ​ക്കാ​ളും നന്നായി നീയാണ്‌ ചെയ്യു​ന്നത്‌” എന്നു പറഞ്ഞാൽ അത്‌ ഗുണം ചെയ്യില്ല, അത്‌ ശരിയും അല്ല. സ്‌കൂ​ളിൽ നല്ല മാർക്ക്‌ വാങ്ങി​ക്കുന്ന കുട്ടിക്ക്‌ ചില​പ്പോ​ഴെ​ങ്കി​ലും മാർക്ക്‌ കുറഞ്ഞു​പോ​യേ​ക്കാം. ചില കളിക​ളിൽ മികച്ച പ്രകടനം കാഴ്‌ച​വെ​ക്കുന്ന കുട്ടികൾ എപ്പോ​ഴും വിജയി​ക്കു​ന്നില്ല. താഴ്‌മ​യുള്ള കുട്ടികൾ തോൽവി​ക​ളും തിരി​ച്ച​ടി​ക​ളും ഉണ്ടാകു​മ്പോൾ പക്വത​യോ​ടെ അതിനെ നേരി​ടും.

   ബൈബിൾ പറയു​ന്നതു പരീക്ഷ​ണങ്ങൾ നമ്മളെ ശക്തരാ​ക്കു​മെ​ന്നും സഹനശക്തി വളർത്തി​യെ​ടു​ക്കാൻ സഹായി​ക്കു​മെ​ന്നും ആണ്‌. (യാക്കോബ്‌ 1:2-4) തോൽവി​യും തിരി​ച്ച​ടി​യും ഉണ്ടാകു​മ്പോൾ വിഷമം തോന്നു​മെ​ങ്കി​ലും അതി​നെ​യൊ​ക്കെ അതിന്റെ സ്ഥാനത്തു നിറു​ത്താൻ കുട്ടിയെ പഠിപ്പി​ക്കുക.

    ഏതൊരു കാര്യ​ത്തി​ലും വൈദ​ഗ്‌ധ്യം നേടി​യെ​ടു​ക്കാൻ സമയവും ശ്രമവും വേണം. അതു​പോ​ലെ കുട്ടി​കളെ മനക്കട്ടി​യു​ള്ള​വ​രാ​യി വളർത്തി​ക്കൊ​ണ്ടു​വ​രാ​നും സമയവും ശ്രമവും വേണം. പക്ഷേ അത്‌ പിന്നീട്‌ ഗുണം ചെയ്യും. അവർ കൗമാ​ര​ത്തിൽ എത്തു​മ്പോൾ ഇത്‌ അവരെ ഒരുപാട്‌ സഹായി​ക്കും. “പ്രശ്‌നങ്ങൾ എങ്ങനെ പരിഹ​രി​ക്കാ​മെന്ന്‌ അറിയാ​വുന്ന കൗമാ​ര​പ്രാ​യ​ക്കാർ വലിയ അപകട​ങ്ങ​ളിൽചെന്ന്‌ ചാടു​ന്നില്ല” എന്ന്‌ സ്‌നേ​ഹ​ത്തോ​ടെ​യും ആത്മവി​ശ്വാ​സ​ത്തോ​ടെ​യും മുന്നേ​റു​ന്ന​തി​നാ​യി . . . (ഇംഗ്ലീഷ്‌) എന്ന പുസ്‌തകം പറയുന്നു. ആ പുസ്‌തകം ഇങ്ങനെ​യും പറയുന്നു, “അപ്രതീ​ക്ഷി​ത​മാ​യോ പുതി​യ​താ​യോ എന്തെങ്കി​ലും സംഭവി​ക്കു​മ്പോൾ അതിനെ നന്നായി നേരി​ടാൻ അവർക്കു പറ്റും.” അതെ, മനക്കട്ടി​യു​ള്ള​വ​രാ​യി​രി​ക്കാൻ പഠിക്കു​ന്നതു മുതി​രു​മ്പോ​ഴും അവർക്കു പ്രയോ​ജനം ചെയ്യും.

 ചെയ്യാ​നാ​കു​ന്നത്‌: മാതൃക വെക്കുക. ജീവി​ത​ത്തി​ലെ നിരാ​ശ​പ്പെ​ടു​ത്തുന്ന കാര്യങ്ങൾ നിങ്ങൾ എങ്ങനെ കൈകാ​ര്യം ചെയ്യുന്നു എന്നു കുട്ടികൾ കാണു​മ്പോൾ അവരുടെ പ്രശ്‌ന​ങ്ങ​ളും എങ്ങനെ കൈകാ​ര്യം ചെയ്യണ​മെന്ന്‌ അവർ പഠിക്കും.