കൂട്ടു​കാർ ശനിയാഴ്‌ച ഒരു പാർട്ടിക്ക്‌ നിങ്ങളെ വിളി​ച്ചി​ട്ടുണ്ട്‌. പൊയ്‌ക്കോ​ട്ടേ എന്നു നിങ്ങൾ പപ്പയോ​ടും മമ്മി​യോ​ടും ചോദി​ക്കു​ന്നു. ഉടനെ വന്നു ഉത്തരം—“വേണ്ടാ!” നിങ്ങൾക്ക്‌ അത്ഭുതം ഒന്നും തോന്നി​യില്ല. കാരണം കഴിഞ്ഞ തവണയും അവർ ഇതുത​ന്നെ​യാണ്‌ പറഞ്ഞത്‌.

ഈ ലേഖന​ത്തിൽ

•  എന്റെ മാതാ​പി​താ​ക്കൾ എപ്പോ​ഴും ‘നോ’ പറയു​ന്നത്‌ എന്തു​കൊ​ണ്ടാണ്‌?

•  മാതാ​പി​താ​ക്ക​ളെ​ക്കൊണ്ട്‌ സമ്മതി​പ്പി​ക്കാൻ എനിക്ക്‌ എന്തു ചെയ്യാം?

•  സമപ്രാ​യ​ക്കാർ പറയു​ന്നത്‌

 എന്റെ മാതാ​പി​താ​ക്കൾ എപ്പോ​ഴും ‘നോ’ പറയു​ന്നത്‌ എന്തു​കൊ​ണ്ടാണ്‌?

 എന്തെങ്കി​ലും ചോദി​ച്ചു​ചെ​ല്ലു​മ്പോൾ പപ്പയും മമ്മിയും എപ്പോ​ഴും വേണ്ടാ എന്നു പറയു​ന്ന​താ​യാ​ണോ നിങ്ങൾക്കു തോന്നു​ന്നത്‌? നിങ്ങൾ അടിച്ചു​പൊ​ളി​ക്കു​ന്നത്‌ അവർക്ക്‌ ഒട്ടും ഇഷ്ടമി​ല്ലാ​ത്ത​കൊ​ണ്ടാണ്‌ അത്‌ എന്നു നിങ്ങൾ ചിന്തി​ച്ചേ​ക്കാം.

 ആദ്യമാ​യിട്ട്‌ ഒരു ഫോൺ കിട്ടി​യ​പ്പോൾ കൗമാ​ര​ക്കാ​രി​യായ മെറിക്ക്‌ അങ്ങനെ​യാണ്‌ തോന്നി​യത്‌. അവൾ പറയുന്നു: “പപ്പ ഒരുപാട്‌ നിയമങ്ങൾ വെച്ചു. ഏതൊക്കെ ആപ്പ്‌ ഡൗൺലോഡ്‌ ചെയ്യാം, ആരോ​ടൊ​ക്കെ സംസാ​രി​ക്കാം, രാത്രി എത്ര നേരം വരെ സംസാ​രി​ക്കാം, അങ്ങനെ പലതും. പക്ഷേ എന്റെ കൂട്ടു​കാർക്കൊ​ക്കെ എന്തു വേണ​മെ​ങ്കി​ലും ചെയ്യാ​മാ​യി​രു​ന്നു!”

 ചിന്തി​ക്കാൻ: മെറി​യു​ടെ പപ്പ അങ്ങനെ ചെയ്‌തത്‌ എന്തു​കൊ​ണ്ടാ​യി​രി​ക്കും? അവളുടെ രസം കളയാ​നാ​ണോ? അതോ വേറെ എന്തെങ്കി​ലും കാര്യ​ങ്ങ​ളെ​ക്കു​റിച്ച്‌ ഓർത്ത്‌ പേടി​ച്ചി​ട്ടാ​ണോ? എങ്കിൽ അത്‌ എന്തായി​രി​ക്കും?

 ചെയ്‌തു​നോ​ക്കാൻ: നിങ്ങ​ളെ​ത്തന്നെ ഒരു അപ്പനോ അമ്മയോ ആയി സങ്കൽപ്പി​ക്കുക. കൗമാ​ര​പ്രാ​യ​ത്തി​ലുള്ള നിങ്ങളു​ടെ കുട്ടിക്ക്‌ ഇപ്പോൾ ഒരു ഫോൺ കിട്ടി​യതേ ഉള്ളൂ. നിങ്ങൾക്ക്‌ എന്തെല്ലാം ടെൻഷ​നു​കൾ ഉണ്ടാകും? കുട്ടിയെ സംരക്ഷി​ക്കാൻ നിങ്ങൾ എന്തൊക്കെ നിയമങ്ങൾ വെക്കും? രസമുള്ള ഒന്നും ചെയ്യാൻ എന്നെ സമ്മതി​ക്കു​ന്നി​ല്ലെന്ന്‌ അവനോ/അവളോ പറഞ്ഞാൽ നിങ്ങൾ എന്തു പറയും?

 “‘നീ എന്റെ സ്ഥാനത്ത്‌ നിന്ന്‌ ഒന്നു ചിന്തി​ച്ചു​നോക്ക്‌’ എന്ന്‌ എപ്പോ​ഴും ഡാഡി എന്നോടു പറയും. അങ്ങനെ ചെയ്‌ത​പ്പോൾ ഡാഡി വെക്കുന്ന നിയമ​ങ്ങ​ളു​ടെ പ്രയോ​ജനം മാത്രമല്ല, അതിന്റെ പിന്നിലെ കാരണ​വും മനസ്സി​ലാ​ക്കാൻ എനിക്കു പറ്റി. എനിക്കു കുട്ടി​ക​ളു​ണ്ടാ​യി​രു​ന്നെ​ങ്കിൽ ഡാഡി വെച്ച നിയമ​ങ്ങൾതന്നെ ഞാൻ അവരുടെ കാര്യ​ത്തി​ലും വെച്ചേനെ.”—ടാനിയ.

 മാതാ​പി​താ​ക്ക​ളെ​ക്കൊണ്ട്‌ സമ്മതി​പ്പി​ക്കാൻ എനിക്ക്‌ എന്തു ചെയ്യാം?

 “മിക്ക​പ്പോ​ഴും ഓരോ നിയമ​ത്തി​നു പിന്നി​ലും എന്തെങ്കി​ലും ഒരു നല്ല കാരണം ഉണ്ടായി​രി​ക്കും. ഞാൻ ജീവിതം അടിച്ചു​പൊ​ളി​ക്ക​രുത്‌ എന്ന്‌ ചിന്തി​ച്ചി​ട്ടല്ല പപ്പയും മമ്മിയും നിയ​ന്ത്ര​ണങ്ങൾ വെക്കു​ന്നത്‌. ഞാൻ സന്തോ​ഷി​ക്കാൻത​ന്നെ​യാണ്‌ അവർ ആഗ്രഹി​ക്കു​ന്നത്‌. പക്ഷേ അടിച്ചു​പൊ​ളി​ക്കാൻ ശ്രമി​ച്ചിട്ട്‌, ഞാൻ വേറെ കുഴപ്പ​ത്തി​ലൊ​ന്നും ചെന്ന്‌ ചാടാ​തി​രി​ക്കാൻ അവർ നോക്കു​ന്നെന്നേ ഉള്ളൂ.”—ഐവി.

 ബൈബിൾത​ത്ത്വം: “വിഡ്ഢി ദേഷ്യം മുഴുവൻ വെളി​പ്പെ​ടു​ത്തു​ന്നു; എന്നാൽ ബുദ്ധി​മാൻ സ്വയം നിയ​ന്ത്രി​ക്കു​ന്നു.”—സുഭാ​ഷി​തങ്ങൾ 29:11.

 “ക്ഷമയു​ള്ള​വ​രാ​യി​രി​ക്കുക. മാതാ​പി​താ​ക്കൾ ഒരു നിയമ​ത്തിന്‌ ഇളവ്‌ വരുത്താൻ സമയ​മെ​ടു​ത്തേ​ക്കാം. പക്ഷേ ഇപ്പോ​ഴുള്ള നിയമങ്ങൾ നിങ്ങൾ അനുസ​രി​ക്കു​ന്നതു കാണു​മ്പോൾ അവർ കൂടുതൽ സ്വാത​ന്ത്ര്യം അനുവ​ദി​ക്കാൻ സാധ്യ​ത​യുണ്ട്‌.”—മെലിൻഡ.

 ബൈബിൾത​ത്ത്വം: “എല്ലാ കാര്യ​ങ്ങ​ളി​ലും നിങ്ങളു​ടെ മാതാ​പി​താ​ക്കളെ അനുസ​രി​ക്കുക.”—കൊ​ലോ​സ്യർ 3:20.

 “ചിന്തിച്ച്‌ തീരു​മാ​ന​മെ​ടു​ക്കാ​നുള്ള കഴിവ്‌ നമുക്കു​ണ്ടോ എന്നാണു മാതാ​പി​താ​ക്കൾ നോക്കു​ന്നത്‌. അതു​കൊണ്ട്‌ ഞാൻ ഒരു കാര്യം അവരോ​ടു പറയു​മ്പോൾ വികാ​ര​പ​ര​മാ​യി സംസാ​രി​ക്കു​ന്ന​തി​നു പകരം അതിന്റെ പിന്നിലെ കാര്യ​കാ​ര​ണങ്ങൾ വിശദീ​ക​രി​ക്കാൻ നോക്കും. മിക്ക​പ്പോ​ഴും അതു ഗുണം ചെയ്‌തി​ട്ടുണ്ട്‌.”—ജോസഫ്‌.

 ബൈബിൾത​ത്ത്വം: “നിന്റെ അപ്പനെ​യും അമ്മയെ​യും ബഹുമാ​നി​ക്കുക.”—എഫെസ്യർ 6:2.