അധികാ​രി​ക​ളു​ടെ അനുമ​തി​യോ​ടെ ബ്രാഞ്ചി​നാ​യു​ള്ള സ്ഥലം ഒരുക്കാൻ അവി​ടെ​യു​ള്ള മരങ്ങൾ നീക്കം ചെയ്‌തു. പക്ഷികൾ കൂടു കൂട്ടുന്ന കാലത്തി​നു മുമ്പ്‌ പണികൾ തീർക്കാൻ അവർ ഉത്സാഹ​ത്തോ​ടെ പ്രവർത്തിച്ചു. മരച്ചില്ലകൾ ചെറു​ക​ഷ​ണ​ങ്ങ​ളാ​ക്കു​ന്ന യന്ത്രങ്ങൾ ഉപയോ​ഗിച്ച്‌ നല്ല നടപ്പാത നിർമിക്കുകയും അതിൻറെ തായ്‌ത്ത​ടി ബ്രാഞ്ചിൻറെ മറ്റു നിർമാണപ്രവർത്തനങ്ങൾക്കുവേണ്ടി മാറ്റി​വെ​ക്കു​ക​യും ചെയ്‌തു.

മുമ്പ്‌ ഒരു ഹോട്ട​ലാ​യി പ്രവർത്തിച്ചിരുന്ന കെട്ടി​ട​ത്തിന്‌ അകത്ത്‌ വീഡി​യോ കാണാ​നു​ള്ള സൗകര്യങ്ങൾ ഒരുക്കു​ന്നു. അത്‌ ഇപ്പോൾ അടുക്ക​ള​യും ഊണു​മു​റി​യും ആയി ഉപയോ​ഗി​ക്കു​ന്നു. ഈ സൗകര്യ​മു​ള്ള​തു​കൊണ്ട്‌ അവി​ടെ​യു​ള്ള നിർമാണപ്രവർത്തകർക്ക്‌ പ്രഭാ​താ​രാ​ധ​ന​യും ബഥേൽകുടുംബത്തിൻറെ വീക്ഷാ​ഗോ​പു​ര​പ​ഠ​ന​വും പോലുള്ള ആത്മീയപരിപാടികൾ ആസ്വദിക്കാൻ കഴിയു​ന്നു.

ബ്രാഞ്ചിൻറെ സ്ഥലത്തിന്‌ ചുറ്റും ഇരുമ്പു​വേ​ലി നിർമിക്കുന്നു. ഇവിടം ഒരു ഗ്രാമ​പ്ര​ദേ​ശ​മാ​യ​തു​കൊണ്ട്‌ കെട്ടിടനിർമാണം അവിടത്തെ വന്യജീ​വി​ക​ളെ ഒട്ടും​ത​ന്നെ ബാധിക്കാതിരിക്കാൻ വേണ്ട നടപടികൾ എടുത്തി​ട്ടുണ്ട്‌. ഉദാഹ​ര​ണ​ത്തിന്‌, വേലി​യു​ടെ അടിഭാ​ഗത്ത്‌ 20 സെൻറിമീറ്റർ (8 ഇഞ്ച്‌) സ്ഥലം വിട്ടി​ട്ടുണ്ട്‌. അതു​കൊണ്ട്‌ രാത്രിയിൽ സ്വൈ​ര​വി​ഹാ​രം നടത്താൻ അവി​ടെ​യു​ള്ള മൃഗങ്ങൾക്ക്‌ ഈ വേലി ഒരു തടസ്സമല്ല.

താമസ​സ്ഥ​ല​വും നിർമാണസ്ഥലവും തമ്മിൽ ബന്ധിപ്പിക്കാൻ ഒരു താത്‌കാ​ലി​ക​പാ​ത നിർമിക്കുന്നു.

കിഴക്കു​നിന്ന്‌ നോക്കിയാൽ, താത്‌കാ​ലി​ക​മാ​യി നിർമിച്ചിരിക്കുന്ന പാത കാണാം. വലതു​വ​ശത്ത്‌ അങ്ങേ അറ്റത്ത്‌ കാണു​ന്ന​താ​ണു നിർമാണസ്ഥലം. ഇടതു​വ​ശ​ത്താ​യി കാണി​ച്ചി​രി​ക്കു​ന്ന കെട്ടിടങ്ങൾ നിർമാണജോലിക്കാരുടെ താമസ​സ്ഥ​ല​മാ​ക്കി മാറ്റി​യി​രി​ക്കു​ന്നു. കൂടുതൽ താമസസൗകര്യങ്ങൾ ചുറ്റു​വ​ട്ടത്ത്‌ പണിയു​ന്ന​താണ്‌.

യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്തി​ലെ ഒരു അംഗവും മറ്റൊരു ലോകാ​സ്ഥാ​ന​പ്ര​തി​നി​ധി​യും നിർമാണപ്രവർത്തകരെ സന്ദർശിക്കുന്നു. പിറ്റേ ആഴ്‌ച ബ്രിട്ട​നി​ലും അയർലൻഡി​ലും ഉള്ള രാജ്യഹാളുകളിൽ ഒരു പ്രത്യേ​ക​യോ​ഗം സം​പ്രേ​ഷ​ണം ചെയ്‌തു. അതിനു തലേദി​വ​സം ഈ പദ്ധതി തുടർന്നുകൊണ്ടുപോകാനായി കെംസ്‌ഫോർഡ്‌ നഗരസ​മി​തി​യു​ടെ അനുമതി ലഭിച്ച​താ​യി അറിയി​ച്ചു.

പഴക്കമുള്ള രണ്ടു വലിയ ഓക്കു മരങ്ങളു​ടെ വേരുകൾക്കു കേടൊ​ന്നും തട്ടാതിരിക്കാൻ ജോലിക്കാർ ഒരു പ്രത്യേ​ക​സം​വി​ധാ​നം ഉണ്ടാക്കു​ന്നു. പ്രധാ​ന​പ​ണി​പ്പു​ര​യ്‌ക്കും നിർമാണസ്ഥലത്തിനും ഇടയി​ലു​ള്ള ഈ പാതയി​ലൂ​ടെ ഭാരമുള്ള വസ്‌തുക്കൾ കൊണ്ടു​പോ​കേ​ണ്ട​തി​നാ​ലാണ്‌ ഇങ്ങനെ ചെയ്‌തത്‌.

താത്‌കാ​ലി​ക​താ​മ​സ​ത്തി​നാ​യുള്ള കെട്ടിടങ്ങൾക്കു വേണ്ട അടിസ്ഥാനസൗകര്യങ്ങൾ ഒരുക്കാൻ പ്രവർത്തകർ കാന നിർമിക്കുന്നു. നിർമാണപ്രവർത്തകർക്കു താമസി​ക്കാ​നു​ള്ള 50-ഓളം വരുന്ന കെട്ടി​ട​ങ്ങ​ളാണ്‌ പുറകിൽ കാണു​ന്നത്‌.

താത്‌കാ​ലി​ക​മാ​യി നിർമിക്കുന്ന കെട്ടി​ട​ങ്ങ​ളി​ലെ പ്ലംബിങ്‌ ജോലികൾ ചെയ്യുന്നു.

താത്‌കാ​ലി​ക​മാ​യി നിർമിച്ച കെട്ടി​ട​ങ്ങ​ളു​ടെ കിഴക്കു​ഭാ​ഗ​ത്തു​നി​ന്നുള്ള കാഴ്‌ച. കൂടുതൽ താമസ​സൗ​ക​ര്യ​ത്തി​നു വേണ്ട അടിസ്ഥാ​നം ഇട്ടിരി​ക്കു​ന്ന​തും ചിത്രത്തിൽ കാണാം. താമസ​സ്ഥ​ലം ഒരുക്കാ​നാ​യു​ള്ള പണിപ്പു​ര​ക​ളാണ്‌ ഇടതു​വ​ശ​ത്താ​യി കാണി​ച്ചി​രി​ക്കു​ന്നത്‌. അതിലാണ്‌ നിർമാണപ്രവർത്തകർക്കായുള്ള ഊണു​മു​റി. പുറകിൽ മധ്യത്തി​ലാ​യി കാണി​ച്ചി​രി​ക്കു​ന്ന ഒഴിഞ്ഞ സ്ഥലത്താണ്‌ ബ്രാഞ്ചിൻറെ നിർമാണം.

ആശയവിനിമയസംവിധാനങ്ങൾക്കായുള്ള മുറിയിൽ നിന്നു​കൊണ്ട്‌ കേബിൾ കൂട്ടി​യോ​ജി​പ്പി​ക്കു​ന്നു. നിർമാണപ്രവർത്തനം ഏകോ​പി​പ്പി​ക്കാ​നും മറ്റു ബ്രാഞ്ചു​ക​ളു​മാ​യി ബന്ധപ്പെ​ടാ​നും ലോകാ​സ്ഥാ​ന​ത്തു​നി​ന്നുള്ള നിർദേശങ്ങൾ തേടാ​നും ഈ കമ്പ്യൂട്ടർ നെറ്റ്‌വർക്കും ഇൻറർനെറ്റ്‌ സൗകര്യ​വും ഒക്കെ നിർമാണപ്രവർത്തനത്തിൻറെ തുടക്കത്തിൽത്തന്നെ ആവശ്യ​മാ​യി​രു​ന്നു.

പുരാ​വ​സ്‌തു​ക്ക​ളുള്ള പ്രദേ​ശ​മാ​ണോ എന്ന്‌ അറിയാ​നാ​യി കുഴിച്ച കുഴികൾ ഒരു കോൺട്രാക്‌ടർ ജിപി​എസ്‌ ഉപകരണം ഉപയോ​ഗിച്ച്‌ പരി​ശോ​ധി​ക്കു​ന്നു. മൂല്യ​വ​ത്താ​യ എന്തെങ്കി​ലും ഉണ്ടോ എന്ന്‌ അറിയാൻ ഈ കുഴികൾ സഹായി​ക്കും. അടുത്ത പ്രദേ​ശ​മാ​യ കെംസ്‌ഫോർഡ്‌ പണ്ട്‌ റോമാക്കാർ സ്ഥാപിച്ച നഗരമാ​യി​രു​ന്നെ​ങ്കി​ലും ഇവിടെ 107 കുഴികൾ കുഴിച്ച്‌ പരിശോധിച്ചതിൽ മൂല്യ​വ​ത്താ​യ​തോ കലാമൂ​ല്യ​മു​ള്ള​തോ ആയ യാതൊ​ന്നും കണ്ടെത്തി​യി​ല്ല.

വാതി​ലി​നാ​യു​ള്ള കട്ടിളപ്പടികൾ അളവനു​സ​രിച്ച്‌ മുറി​ക്കു​ന്നു. പ്രധാ​ന​പ​ണി​പ്പു​ര​യു​ള്ള സ്ഥലത്തെ ചില കെട്ടിടങ്ങൾ പുതു​ക്കി​പ്പ​ണിത്‌ വർക്ക്‌ഷോപ്പുകളാക്കി മാറ്റി​യി​ട്ടുണ്ട്‌. താത്‌കാ​ലി​ക ഓഫീ​സു​ക​ളും അതിനെ പിന്തു​ണ​ച്ചു​കൊ​ണ്ടു​ള്ള മറ്റു പ്രവർത്തനങ്ങളും ഇവി​ടെ​യാണ്‌ ക്രമീ​ക​രി​ക്കു​ന്നത്‌.

മണ്ണ്‌ ഇട്ട്‌ കുഴികൾ നികത്തു​ന്നു.

85 ഏക്കറോ​ളം വരുന്ന നമ്മുടെ സ്ഥലം ഉൾപ്പെടുന്ന ബ്രിട്ട​നി​ലെ ഉൾനാടൻ പ്രദേ​ശ​ങ്ങ​ളു​ടെ വശ്യസൗ​ന്ദ​ര്യം ഒപ്പി​യെ​ടു​ത്തി​രി​ക്കു​ന്നു. സീപോർട്ട്‌, എയർപോർട്ട്‌, ലണ്ടൻ നഗരം എന്നിവി​ട​ങ്ങ​ളി​ലേ​ക്കു​ള്ള പ്രധാ​ന​പാ​ത (ചിത്ര​ത്തി​ലി​ല്ല) തൊട്ട​ടു​ത്തു​ത​ന്നെ​യുണ്ട്‌.

പുതിയ കെട്ടിടങ്ങൾ പണിയാ​നാ​യി പഴയവ പൊളി​ച്ചു​മാ​റ്റു​ന്നു.

മുന്നമേ ഇണക്കിച്ചേർത്ത്‌ തയാറാ​ക്കി​യ ക്യാബിനുകൾ ക്രെയിൻ ഉപയോ​ഗിച്ച്‌ അതിൻറെ സ്ഥാനത്ത്‌ വെക്കുന്നു.കൂടുതൽ ക്യാബിനുകൾ വെക്കാ​നു​ള്ള സ്ഥലമാണ്‌ മുന്നിൽ കാണു​ന്നത്‌. ഈ പദ്ധതി ഏകോ​പി​പ്പി​ക്കാ​നു​ള്ള ഓഫീ​സു​ക​ളാ​യി​ട്ടാ​യി​രി​ക്കും ഈ ക്യാബിനുകൾ ഉപയോ​ഗി​ക്കു​ന്നത്‌.