ചില്ലു​പാ​ളി​ക​ളുള്ള ഒരു ചെറിയ മുറി കരാറു​കാ​രൻ ക്രെയിൻ ഘടിപ്പിച്ച ട്രക്കിൽനിന്ന്‌ ഇറക്കുന്നു. പണിസ്ഥലം മൊത്ത​ത്തിൽ കാണു​ന്ന​തി​നുള്ള നിരീ​ക്ഷ​ണ​കേ​ന്ദ്രം സ്ഥാപി​ക്കു​ന്ന​തി​നാണ്‌ ഇത്‌. സന്ദർശ​ന​കേ​ന്ദ്ര​വും നിരീ​ക്ഷ​ണ​കേ​ന്ദ്ര​വും 2017 മെയ്യിൽ തുറന്നു. ആഗസ്റ്റോ​ടെ 17,000-ത്തിലധി​കം പേരാണ്‌ ഇവിടം സന്ദർശി​ക്കാൻ ബുക്ക്‌ ചെയ്‌തത്‌.

ഈ കെട്ടി​ട​ത്തി​ന്റെ​ നിർമാ​ണ​ത്തി​നാ​യി വാർക്ക​യ്‌ക്കുള്ള തട്ട്‌ കരാറു​കാർ ടവർ​ക്രെ​യിൻ ഉപയോ​ഗിച്ച്‌ സ്ഥാപി​ക്കു​ന്നു. കെട്ടി​ട​ത്തി​ന്റെ​ ചുറ്റും ധാരാളം സ്ഥലമു​ള്ള​തു​കൊണ്ട്‌ അഴിച്ചു​പ​ണി​ക​ളൊ​ന്നും കൂടാതെ ഇവ പെട്ടെന്നു മാറ്റി​സ്ഥാ​പി​ക്കാ​നാ​കും.

താമസ​ത്തി​നു​ള്ള അഞ്ചു കെട്ടി​ട​ങ്ങ​ളു​ടെ പണി ഒരേ സമയത്തു നടക്കുന്നു. മുൻവ​ശ​ത്താ​യി കാണു​ന്നത്‌ താമസി​ക്കു​ന്ന​തി​നുള്ള കെട്ടിടം ബി-യുടെ അടിത്തറ വാർക്കു​ന്ന​തി​നു മുമ്പ്‌ കരാറു​കാർ കമ്പി വളച്ചു​കെ​ട്ടു​ന്ന​താണ്‌. പുറകിൽ വലതു​വ​ശ​ത്താ​യി താമസ​ത്തി​നുള്ള കെട്ടിടം ഡി-യുടെ ഒന്നാം നിലയിൽ കരാറു​കാർ കോൺക്രീറ്റ്‌ നിറയ്‌ക്കു​ന്നു. പുറകിൽ ഇടതു​വ​ശ​ത്താ​യി താമസ​ത്തി​നുള്ള കെട്ടിടം ഇ-യുടെ ലിഫ്‌റ്റി​ന്റെ​ ഷാഫ്‌റ്റും സ്റ്റെയർകേസ്‌ അടങ്ങുന്ന ഭാഗവും കോൺക്രീറ്റ്‌ ചെയ്യു​ന്ന​തി​നുള്ള ചട്ടക്കൂട്‌ ടവർ​ക്രെ​യിൻ ഉപയോ​ഗിച്ച്‌ സ്ഥാപി​ക്കു​ന്നു.

തീ അണയ്‌ക്കു​ന്ന​തി​നു​വേ​ണ്ടി​യുള്ള വെള്ളം വരുന്ന പ്ലാസ്റ്റിക്ക്‌ പൈപ്പു​കൾ തമ്മിൽ ചൂടാക്കി കൂട്ടി​യോ​ജി​പ്പി​ച്ച​തി​നു ശേഷം തള്ളി നിൽക്കുന്ന പ്ലാസ്റ്റിക്ക്‌, മെക്കാ​നി​ക്കൽ ടീമിലെ ഒരാൾ നീക്കം ചെയ്യുന്നു. അതോ​ടൊ​പ്പം പൈപ്പു​കൾ യോജി​ക്കുന്ന ഭാഗത്തി​ന്റെ​ ഗുണനി​ല​വാ​ര​വും ബലവും പരി​ശോ​ധിച്ച്‌ ഉറപ്പു​വ​രു​ത്തു​ന്നു. മൊത്ത​ത്തിൽ ഏകദേശം നാലു കിലോ​മീ​റ്റർ നീളത്തിൽ ഈ പൈപ്പു​കൾ ഇട്ടിട്ടുണ്ട്‌.

സൈറ്റി​ലെ വെള്ള​ക്കെട്ട്‌ ഒഴിവാ​ക്കു​ന്ന​തി​നുള്ള വെള്ളച്ചാ​ലു​കൾ, റോഡ്‌ വരുന്ന ഭാഗത്ത്‌ ഒഴുക്കു തടസ്സ​പ്പെ​ടാ​തെ കുളത്തിൽ എത്തി​ച്ചേ​രാ​നാ​യി കലുങ്കു​കൾ സഹായി​ക്കു​ന്നു. ഒട്ടും വെള്ളം ചോർന്നു​പോ​കാത്ത വിധത്തി​ലാണ്‌ ഇവ നിർമി​ച്ചി​രി​ക്കു​ന്നത്‌. ഇത്തരത്തിൽ പണി പുരോ​ഗ​മി​ക്കുന്ന ഒരു കലുങ്ക്‌ വൃത്തി​യാ​ക്കു​ന്നു.

ഇടനാ​ഴി​യു​ടെ ഭിത്തി വരാനുള്ള സ്ഥലം ഒരു ഭാര്യ​യും ഭർത്താ​വും അടങ്ങുന്ന ടീം തറയിൽ അടയാ​ള​പ്പെ​ടു​ത്തു​ന്നു.

പണി പുരോ​ഗ​മി​ക്കുന്ന താമസ​ത്തി​നുള്ള അഞ്ച്‌ കെട്ടി​ട​ങ്ങ​ളു​ടെ കിഴക്കു​നി​ന്നുള്ള ആകാശ​ദൃ​ശ്യം. സെപ്‌റ്റം​ബ​റോ​ടെ താമസ​ത്തി​നുള്ള കെട്ടിടം എഫി​ന്റെ​ (പുറകിൽ വലതു​വ​ശത്ത്‌) വാർക്ക​പ്പണി കഴിഞ്ഞു. അകത്തെ ഭിത്തി​യു​ടെ പണി പുരോ​ഗ​മി​ക്കു​ന്നു, തേപ്പും പെയി​ന്റി​ങ്ങും തുടങ്ങി. അതേസ​മയം താമസ​ത്തി​നുള്ള കെട്ടിടം ഇ-യുടെ (പുറകിൽ ഇടതു​വ​ശത്ത്‌) പുറം​ഭി​ത്തി​യു​ടെ​യും ജനലു​ക​ളു​ടെ​യും പണി തുടങ്ങി. താമസ​ത്തി​നുള്ള കെട്ടിടം ബി, സി, ഡി (മുൻവ​ശത്ത്‌) എന്നിവ നില​കെട്ടൽ, ഇലക്‌ട്രി​ക്കൽ, മെക്കാ​നി​ക്കൽ തുടങ്ങിയ ജോലി​കൾക്കാ​യി സജ്ജമാ​ക്കി​യി​ട്ടുണ്ട്‌.

ഭരണസം​ഘ​ത്തി​ന്റെ​ പബ്ലിഷിങ്‌ കമ്മിറ്റി​യു​ടെ സഹായി​യും ലോക​വ്യാ​പക ഡിസൈൻ/നിർമാണ ഡിപ്പാർട്ടുമെന്റി​ന്റെ​ മേൽവി​ചാ​ര​ക​നു​മായ റോബർട്ട്‌ ലൊക്‌ചി​യൊ​ണി ഒരു ബൈബി​ള​ധി​ഷ്‌ഠിത പ്രസം​ഗ​ത്തി​ലൂ​ടെ നിർമാ​ണ​പ്ര​വർത്ത​കരെ പ്രോ​ത്സാ​ഹി​പ്പി​ക്കു​ന്നു. ലോക​വ്യാ​പക ഡിസൈൻ/നിർമാണ ഡിപ്പാർട്ടുമെന്റ്‌, ബ്രാഞ്ച്‌ സൗകര്യ​ങ്ങ​ളു​ടെ നിർമാ​ണ​ത്തി​നും ഡി​സൈ​നി​ങ്ങി​നും നേതൃ​ത്വം എടുക്കു​ക​യും ജോലി​ക​ളെ​ല്ലാം കാര്യ​ക്ഷ​മ​മാ​യും കുറഞ്ഞ ചെലവി​ലും നടക്കു​ന്നെന്ന്‌ ഉറപ്പു​വ​രു​ത്തു​ക​യും ചെയ്യുന്നു.

ഗ്യാസ്‌, ഇലക്‌ട്രി​ക്കൽ ഉപകര​ണങ്ങൾ എന്നിവ വെക്കു​ന്ന​തി​നുള്ള സ്ഥലത്തി​ന്റെ​ സ്ലാബ്‌ വാർക്കു​ന്നു. വലതു​വ​ശത്ത്‌, ഉപകര​ണ​ങ്ങ​ളിൽനിന്ന്‌ വരുന്ന ശബ്ദം കുറയ്‌ക്കു​ന്ന​തി​നാ​യി നിർമി​ക്കുന്ന ശബ്ദപ്ര​തി​രോ​ധ​മ​തി​ലി​ന്റെ​ അടിത്തറ കോൺക്രീറ്റ്‌ പമ്പ്‌ ഉപയോ​ഗിച്ച്‌ നിറയ്‌ക്കു​ന്നു.

സ്റ്റീൽ ചട്ടക്കൂട്‌ സ്ഥാപി​ക്കു​ന്ന​തി​നുള്ള സ്ഥലം അടയാ​ള​പ്പെ​ടു​ത്തു​ന്ന​തി​നു മുമ്പ്‌ പ്ലാൻ പരി​ശോ​ധി​ക്കുന്ന നിർമാണ ടീം.

പുറത്തെ ഭിത്തി​യു​ടെ സ്റ്റീൽ ചട്ടക്കൂട്‌ ഉറപ്പി​ക്കുന്ന ഒരു ജോലി​ക്കാ​രൻ.

പുറം ഭിത്തി​യി​ലെ പണികൾ എളുപ്പം ചെയ്യു​ന്ന​തി​നു​വേണ്ടി താമസ​ത്തി​നുള്ള കെട്ടിടം ഇ-യ്‌ക്കു ചുറ്റും തട്ട്‌ ഇടുന്നു.

പുതു​താ​യി സ്ഥാപിച്ച ജനലിനു പ്രത്യേക സംരക്ഷ​ണാ​വ​രണം പൂശുന്നു. ഇത്‌ ഉണങ്ങു​മ്പോൾ ഒരു പ്ലാസ്റ്റിക്ക്‌ പാളി​യാ​യി മാറും. മറ്റു പണികൾ നടക്കു​മ്പോൾ ജനലിനു കേടു​പ​റ്റാ​തി​രി​ക്കാൻ ഇതു സഹായി​ക്കും. ആവശ്യം കഴിയു​മ്പോൾ ഇതു നീക്കം ചെയ്യും.

മെക്കാ​നി​ക്കൽ ടീം, ഒരു മുറി​യു​ടെ തറ ചൂടാ​ക്കുന്ന സംവി​ധാ​നം മർദം കൊടുത്ത്‌ പരി​ശോ​ധി​ക്കു​ന്നു. എന്തെങ്കി​ലും മാറ്റങ്ങൾ വരു​ത്തേ​ണ്ട​തു​ണ്ടെ​ങ്കിൽ അത്‌ വരുത്തി​യിട്ട്‌, കുഴലു​കൾ മൂടു​ന്ന​തി​നാ​യി അവസാ​നത്തെ കോൺക്രീറ്റ്‌ പാളി ഇടും.

ബ്രാഞ്ചി​ന്റെ​ പ്രധാന പ്രവേ​ശ​ന​ക​വാ​ട​ത്തി​നു മുമ്പിലെ തിരക്കു പിടിച്ച ഹൈ​വേ​യോ​ടു ചേർന്നുള്ള സർക്കി​ളിൽ ഒരു തോട്ട​ക്കാ​രൻ പുൽത്ത​കി​ടി വെക്കുന്നു. ഇത്‌ കള വളരാത്ത പുൽത്ത​കി​ടി​യാ​യ​തു​കൊണ്ട്‌ ഇവിടം പരിപാ​ലി​ക്കാൻ കുറച്ച്‌ സമയവും അധ്വാ​ന​വും മതി.

ഒരു സർവ്വേയർ ജി.പി.എസ്‌ ഉപയോ​ഗിച്ച്‌ ഓഫീസ്‌ സമുച്ച​യ​ത്തി​ലേ​ക്കുള്ള പ്രവേ​ശ​ന​ക​വാ​ട​ത്തി​നാ​യുള്ള സ്ഥലത്ത്‌ കമ്പി നാട്ടി അടയാ​ള​പ്പെ​ടു​ത്തി​യ​തി​നു ശേഷം അത്‌ വ്യക്തമാ​യി കാണു​ന്ന​തി​നു​വേണ്ടി പെയി​ന്റ​ടി​ക്കു​ന്നു. സമുച്ച​യ​ത്തി​ന്റെ​ ഈ ഭാഗത്ത്‌ ഊണു​മു​റി​യാ​യും ഓഡി​റ്റോ​റി​യ​മാ​യും ഉപയോ​ഗി​ക്കാ​വുന്ന ഒരു ഹാളും അടുക്ക​ള​യും വരും. താമസ​ത്തി​നാ​യുള്ള കെട്ടി​ടങ്ങൾ പിന്നി​ലാ​യി കാണാം.

മഴക്കാ​ലത്ത്‌ വെള്ള​ക്കെ​ട്ടു​ണ്ടാ​കാ​തി​രി​ക്കാ​നാ​യി ഉപയോ​ഗി​ക്കുന്ന സംവി​ധാ​ന​ത്തി​ന്റെ​ കോൺക്രീറ്റ്‌ റിങ്ങി​നുള്ള ചട്ടക്കൂട്‌ തയ്യാറാ​ക്കുന്ന ഒരു ഭാര്യ​യും ഭർത്താ​വും. പുറകി​ലാ​യി താമസ​ത്തി​നുള്ള കെട്ടി​ടങ്ങൾ ഇ, എഫ്‌ എന്നിവ കാണാം. ഏതു കാലാ​വ​സ്ഥ​യി​ലെ​യും​പോ​ലെ മഞ്ഞുകാ​ല​ത്തും പണി നടക്കു​ന്ന​തിന്‌ അവ പ്ലാസ്റ്റിക്ക്‌ ഷീറ്റു​കൊ​ണ്ടു മൂടി​യി​രി​ക്കു​ക​യാണ്‌.

വാക്വം ഹോസ്‌ ലിഫ്‌റ്റർ ഉപയോ​ഗി​ക്കാൻ ഒരാളെ പരിശീ​ലി​പ്പി​ക്കു​ന്നു. ഇത്‌ ഉപയോ​ഗിച്ച്‌ ഏകദേശം 70-കിലോ​ഗ്രാം ഭാരം വരുന്ന സിമെന്റ്‌ കട്ടകൾ എടുത്തു​കൊ​ണ്ടു​വ​രാ​നും നിലത്തു പാകാ​നും കഴിയും. കട്ടകൾ കൃത്യ​മാ​യി വെച്ചിട്ട്‌ ഇരുവ​ശ​ത്തു​നി​ന്നും കോൺക്രീറ്റ്‌ ഒഴിച്ച്‌ അവ ഉറപ്പി​ക്കു​ന്നു.

വെള്ളത്തി​നു​ള്ള പൈപ്പ്‌ ഇടുന്ന​തി​നാ​യി പൈപ്പ്‌ വലിക്കു​ന്ന​തോ​ടൊ​പ്പം മെക്കാ​നി​ക്കൽ ടീമിലെ ഒരാൾ അതി​ന്റെ​ ഫിറ്റി​ങ്ങി​ന്റെ​ ദിശ മാറാതെ പിടി​ച്ചി​രി​ക്കു​ന്നു. പുതിയ ബ്രാ​ഞ്ചോ​ഫീ​സിൽ വെള്ളം എത്തിക്കു​ന്ന​തിന്‌ ഏകദേശം അഞ്ചു കിലോ​മീ​റ്റർ നീളത്തിൽ പൈപ്പു​കൾ വേണം.

കട്ട മുറി​ക്കുന്ന യന്ത്രം ഉപയോ​ഗിച്ച്‌ ഒരാൾ മുറി​ക്ക​ട്ടകൾ ഉണ്ടാക്കു​ന്നു. താമസ​ത്തി​നുള്ള കെട്ടി​ട​ത്തി​ന്റെ​ അറ്റങ്ങളിൽ ഫ്‌ലെ​മിഷ്‌ ബോണ്ട്‌ എന്ന്‌ അറിയ​പ്പെ​ടുന്ന ആകർഷ​ക​മായ ഒരു ഡിസൈൻ ഉണ്ടാക്കാ​നാണ്‌ ഈ മുറി​ക്ക​ട്ടകൾ ഉപയോ​ഗി​ക്കു​ന്നത്‌. താമസ​ത്തി​നുള്ള കെട്ടി​ട​ങ്ങൾക്കാ​യി മൂന്നു ലക്ഷത്തി​ല​ധി​കം കട്ടകൾ വേണ്ടി​വ​രും.